HRIŠĆANSKO DŽIVDIPE
Ov mudro ked deja e Biblijake publikacije
O Isus vačerdža: „Biparengo dijape tumendže hem biparengo den“ (Mt 10:8). Amen čače ičeramen ko akala lafija adžahar so na bikna o Biblije ja e biblijake publikacije (2Ko 2:17). Ama ano akala publikacije šaj te arakha o čačutno barvaljipe ando Devljeso Lafi. Bari buti hem but troškija isi, dži čerenape o publikacije te šaj te štampinenpe hem te bičhaljenpe ko sa o skupštine ko celo sveto. Odoljese valjani te la samo kobor valjani amendže.
Razmislin šukar angljeder so ka de o publikacije averendže, čak ked vačereja ando Devel ko javna thana (Mt 7:6). Na valjani samo te de o publikacije svakonese ko nakhela, de tutar sa te vačere oljenca hem te haljove da lji mangena pobuter te džanen. Šaj lji te phene po, ko jekh ando akala pučiba ko akava okvir? Ako našti te haljove da lji džiko mangela te džanel pobuter, šaj te delje traktat. Ama ako ov mangela te ljel časopis ja avera publikacije, amen viljestar ka dalje (Godž 3:27, 28).