Čer pošukar ti služba – Pomožin okoljendže kola mangena ko po vilo te prihvatinen o čačipe kova ljegari ko večno dživdipe te oven e Isusese učenikija

SOSE TANO ODOVA VAŽNO: O Jehova dija o seme ando čačipe te barjol ko vilje okoljengo kola ispravno dikhena ko večno dživdipe (Čer 13:48; 1Ko 3:7). Amen ki kupa oljeja čera buti adžahar so daja sa amendar te dža ko manuša so ičerenape ko odova so sikljona (1Ko 9:26). O manuša kasa sikljova andi Biblija valjani te haljon soj tano o krštenje but važno, te šaj te ačhon dživde (1Pe 3:21). Amen pomožina oljendže te oven e Isusese učenikija, adžahar so sikavaljen te prominen po dživdipe, te vačeren o šukar haberi, te sikaven averen hem te den po dživdipe e Jehovase (Mt 28:19, 20).

SAR TE ČERE ODOVA:

• Vačer e manušese kasa sikljoveja andi Biblija te džanel so e biblijako kurs ka pomožini oljese pošukar te pendžari e Jehova hem te služini oljese (Jv 17:3)

• Pomožin oljese te nakhel o pharipa kola na mukenalje te džal duhovno anglal, sar soj tane o lošna tabijatija hem o lošna amala

• Zorjačerlje hem ohrabrinlje angljeder hem palo odova so ka krstinipe (Čer 14:22).

DIKH O FILM JEHOVA ĆE TI POMOĆI HEM PALO ODOVA ODGOVORIN KO AKALA PUČIBA:

• So šaj džikas te čhinavi te na del po dživdipe e Jehovase hem te na krstinipe?

• Sar šaj o starešine te pomožinen okoljendže so sikljona andi Biblija te džan duhovno anglal?

• So ando Isaija 41:10 sikljova ando Jehova?

• So ka pomožini amen te služina e Jehovase iako hijam nesavršena?