Počmin o razgovor adžahar so ka koristine o traktatija

Ando januar 2018. berš ki naslovno strana ki Radno sveska isi i rubrika So šaj te vačera. Hijam le ohrabrime te usredsredina amen ko odova te vačera e manušencar, a na samo te da len dijekh publikacija. Te šaj te pomožini pe e objaviteljendže te sikljon ko odova, o snimime prezentacije mothovena sar šaj te počmina te vačera e manušencar adžahar so ka koristina samo i Biblija. Ama, da li odova značini so našti te koristina o publikacije ked propovedinaja kotar čher ko čher? Na uvek! Na primer, šaj ko but šukar način te počmina te vačera e manušencar adžahar so ka koristina o traktatija. Amen šaj te koristina bilo kova traktati ko akava način:

1. Puč o pučibe hem o navedime odgovorija kola tane ki prvo strana ko traktati.

2. Mothov o odgovor andi Biblija adžahar so ka arakhe o stih upre ki dujto strana. Ako isi tut vreme, čitin hem vačer diso ando informacije kola tane andre ko traktati.

3. De o traktati e stanarese hem podstaknin le ked šaj te čitini le.

4. Angleder te dža, mothov o pučibe ko deo „Razmislin akaljestar“ hem pripremin tut ked ka ave aver puti te mothove lese o odgovor andi Biblija.

Ked ka ave aver puti, vačer ando odgovor hem phen ando kova pučibe ka vačeren aver puti. Šaj te birine o pučibe ando amaro veb-sajt ja ando publikacije kola tane dinde ki zadnjo strana ko traktati. Ked ka ovel prilika mothov i brošura Šukar haberi ando Devel ja disavi aver publikacija kolaja počminaja e biblijako kurs ando amare glavna publikacije e službače.