So šaj te sikljova ando phralja hem phenja kola beršencar služinena e Jehovase?

Ko amare skupštine isi phralja hem phenja kola beršencar služinena e Jehovase. Šaj but te sikljova olendar odolese so on uzdajindže pe ko Jehova. Šaj te puča len andi istorija kotar e Jehovaso narodo hem sar pomožindža len o Jehova te izdržinen o pharipa. Šaj te vičina len ko amaro porodično proučibe hem te puča len ando olenge iskustvija.

Ako služineja e Jehovase but berša vačer e ternendže ando odova sar pomožindža tut o Jehova. O Jakov hem o Josif vačerdže e ternendže ko po čher kotar poklo iskustvo e Jehovaja (Pst 48:21, 22; 50:24, 25). O Jehova kasnije phendža so o poglavarija valjani te sikaven pe čhaven ando olese moćna delija (Pz 4:9, 10; Ps 78:4-7). Avdije, o roditeljija hem avera ki skupština šaj te vačeren e ternendže ando but šukar buča kola dikhlje so o Jehova čerdža prekali pi organizacija.

DIKH O FILM SAČUVATI JEDINSTVO POD ZABRANOM HEM PALO ODOVA ODGOVORIN KO AKALA PUČIBA:

• So čerdža i podružnica ki Austrija te bi pomožini e phraljendže ko phuvja kuri hine zabranimo o propovedibe?

• Sar zorjačerdže pi vera o phralja ko odola phuvja?

• Sose but phralja ki Rumunija odvojindže pe andi e Jehovasi organizacija hem sar palem irindže pe?

• Sar akala iskustvija zorjačerena ti vera?