14. LEKCIJA

Naglasin o glavna tačke

Jevrejima 8:1

SO TE ĆERE: Pomožin e manušenđe te ovel polokho te pratinen to govor hem naglasin sar svako glavno tačka povezini o cilj hem i tema ando govor.

Nek ovel tut cilj. Razmislin da li ko to govor valjani te objasnine diso e manušenđe, te uverine len ja te podstaknine len te ćeren diso. Odova ka pomožini tuće te đane sar te ćere to govor. Sa o glavna tačke valjani te pomožinen tut te ispunine o cilj kova isi tut.

Puć kokri tut: „So šaj te pućen pe o manuša andi akija tema? Da li ka složinen pe sa odoleja so ka vaćerav? Kole redoja bi pućena diso?“ Palo odova, vaćer o mislija odole redoja te šaj o manuša polokho te pratinen to govor, te haljon le hem te ićeren pe ko odova.
Naglasin i tema ando to govor. Odova šaj te ćere ađahar so ka ponovine o glavna lafija.
O glavna tačke ando to govor nek oven jasna hem jednostavna. Birin samo o tačke kola tane povezime e temaja hem kola šaj te objasnine odobor vreme kobor isi tut. Ma te ovel tut but tačke. Svako tačka vaćer jasno hem ćer pauza angleder te nakhe ki aver tačka.

Ako mangeja, ko uvod šaj te vaćere o glavna tačke te šaj te pomožine e manušenđe polokho te pratinen to govor. Palo odova, ko kraj šaj te ponovine o glavna tačke te na bistren len.