HRIŠĆANSKO ĐIVDIPE
Zorjaćer ti vera ko Devleso Lafi
E Devleso Lafi šaj te menjini amaro životi (Jev 4:12). Ama, te šaj o savetija andi Biblija ćaće te pomožinen amen, valjani te ova uverime so oj tani „e Devleso Lafi“ (1So 2:13). Sar šaj te zorjaćera amari vera ko Devleso Lafi?
Čitin i Biblija svako dive. Đi čitineja la, rode dokazija so oj ćaće avela ando Jehova. Na primer, razmislin kotar savetija andi knjiga Poslovice hem dikh sar odola mudra savetija šaj hem avdije te pomožinen tut (Psl 13:20; 14:30).
Ćer tuće disavo projekat aso proučibe. Arakh dokazija kola ka uverinen tut so i Biblija tani knjiga ando Devel. Ko Vodič kroz publikacije Jehovinih svedoka đa ki tema „Biblija“ hem palo odova rode „Nadahnuta od Boga“. Isto ađahar, ako proučineja o dodatko A3 ko prevod Novi svet šaj te uverine tut so i Biblija nane menjimi.
DIKH O VIDEO SOSE VERUJINAJA. . . KO E DEVLESO LAFI, HEM PALO ODOVA ODGOVORIN KO AKALA PUĆIBA:
Sar odova so pisini ko hramsko zido ko Karnak, ko Egipat, mothovi so e Devleso Lafi tano ćaće?
Sar đanaja so e biblijaki poruka na menjinđa pe?
Sar odova so i Biblija aćhilji sa đi amare dive mothovi so oj tani e Devleso Lafi? (Čitin Isaija 40:8).