Oslonin tut upro Jehova ked neko zadini tut

Ked neko zadini amen šaj te ova tužna, a podijekh puti šaj te dukhal amen amaro šero, vođi ja diso aver. Ako daraja ked doživinaja disavo protivljenje, odova čak šaj te utičini ko amaro amalipe e Jehovaja. Sar šaj te zaštitine tut okolendar so zadinena tut?

But e Jehovase sluge ikljilje ko krajo odoleja ađahar so osloninđe pe upro Jehova (Ps 18:17). Na primer, ked jekh lošno manuš, o Aman, manglja te mudari sa e Judejcen, i Jestira phravdo vaćerđa so ov mangela te ćerel (Jes 7:1-6). Angleder so ćerđa odova, oj postinđa hem ađahar mothovđa so oslonini pe upro Jehova (Jes 4:14-16). O Jehova blagoslovinđa la hem zaštitinđa ola hem olake narodo.

Ternalen, ako hem tumen neko zadini, molinen tumen e Jehovase hem vaćeren nekasa koj tano pophureder tumendar, na primer, tumare roditeljencar. Šaj te oven sigurna so o Jehova ka pomožini tumen sar so pomožinđa e Jestiraće. Ama, so pana šaj te ćeren ked neko zadini tumen?

DIKH O VIDEO E TERNENGO ŽIVOTI – SO TE ĆERAV KED NEKO ZADINI MAN? HEM PALO ODOVA ODGOVORIN KO AKALA PUĆIBA:

• So o terne šaj te sikljon ando Čarli hem andi Ferin?

  To odgovor

• Premalo odova so o Čarli hem i Ferin phenđe, sar šaj o roditeljija te pomožinen pe ćhavenđe?

  To odgovor