3. LEKCIJA

Šaj li te verujine ko odova so pisini ko e Devleso Lafi?

Štampimo izdanje

E Devleso Lafi vaćeri ando but buća kola ka oven hem dela amen šukar savetija. Verovatno mangeja te đane so sikavi e Devleso Lafi. Ama, šaj pućeja tut da li šaj te verujine ki jekh asavki purani knjiga. Da li odova so pisini ko e Devleso Lafi šaj te koristini amenđe avdije hem da li šaj te verujina ko odova so phenela andi budućnost? But manuša mislinena so šaj. Ama, te dikha da li tano odova ćaće ađahar.

1. Da li odova so pisini ko e Devleso Lafi tano ćaće ja paramiz?

E Devleso Lafi phenela so odova sostar vaćeri tano „tačno hem ćaće“ (Propovednik 12:10). Ano leste pominena pe o događaja kola ćaće hine hem o manuša kola ćaće živinđe. (Čitinen Luka 1:3; 3:1, 2.) But istoričarija hem arheolozija potvrdinđe so o datumija, e manušenge anava, o thana hem o događaja kolendar e Devleso Lafi vaćeri tane tačna.

2. Da li e Devleso Lafi šaj te koristini amenđe, iako tano pisimo angleder but berša?

E Devleso Lafi but putija vaćeri ando buća kola o manuša na đanđe. Na primer, but manuša na verujinđe ko odova so e Devleso Lafi vaćeri andi phuv hem ando svemir. Ama, sar nakhlja o vreme, i nauka potvrdinđa so e Devleso Lafi tano tačno. Ko odova sostar vaćeri e Devleso Lafi šaj te verujini pe, akana hem zauvek (Psalam 111:8).

3. Sose šaj te verujina ko odova so e Devleso Lafi vaćeri andi budućnost?

Ko e Devleso Lafi isi proročanstvijaa kola vaćerena ando „odova so pana na ulo“ (Isaija 46:10). E Devleso Lafi tačno vaćerđa ando disave istorijska događaja but vreme angleder so ulje. Isto ađahar, detaljno vaćeri ando vreme ko kova živinaja. Ki akija lekcija, ka dikha disave proročanstvija ando e Devleso Lafi. Ka oduševine tut ked ka dikhe kobor tane tačna!

SIKLJOV POBUTER

Dikh da li složinena pe e Devleso Lafi hem i nauka hem dikh disave zanimljiva proročanstvija ando e Devleso Lafi.

4. I nauka složini pe odoleja so pisini ko e Devleso Lafi

Angleder, but manuša mislinđe so i phuv bešela upro diso. Dikhen o VIDEO.

VIDEO: I Phuv bešela upro nisoste (1:13)

Dikh so hine pisimo ki Knjiga ando Jov oko 3 500 berš angleder. Čitinen Jov 26:7, hem palo odova vaćeren ando akava pućibe:

Sose šaj te iznenadini amen so akate pisini so i phuv bešela „upro nisoste“?

Isi oko 200 berš sar o manuša haljilje o kružno tok ando pani. Ama, e Devleso Lafi odolestar vaćerđa oko 3 500 berš angleder. Čitinen Jov 36:27, 28, hem palo odova vaćeren ando akala pućiba:

Sose odova so e Devleso Lafi vaćeri kotar o kružno tok ando pani tano zanimljivo?
Da li akala stihija uverinena tut so odova sostar vaćeri e Devleso Lafi tano tačno?

I Biblija vaćeri kotar o kružno tok ando pani. O strelice kola đana sar o kazaljke ko sati mothovena sar o pani đala kotar phuv ki atmosfera.

5. E Devleso Lafi prorekninđa disave važna događaja

Čitinen Isaija 44:27–45:2, hem palo odova vaćeren ando akava pućibe:

Kola detaljija ando odova sar o Vavilon ka ovel osvojimo e Devleso Lafi prorekninđa 200 berš angleder te ovel odova?

Dikhen o VIDEO.

VIDEO: I Biblija prorekninđa so o Vavilon ka perel (0:58)

I istorija mothovi so o persijsko kralj, o Kir hem olesi vojska osvojinđe i diz Vavilon ko 539. berš, angl. n. e.b On hanđe jekh kanali hem ađahar i reka koja arakhlja odija diz đelji ki aver strana. O udara andi diz hine phravde hem odolese o vojnikija khuvđe hem osvojinđe i diz bizi borba. Iako kotar tegani nakhlja 2 500 berš, o Vavilon tano pana ko ruševine. Dikh so ko e Devleso Lafi hine vaćerdo akalestar.

Čitinen Isaija 13:19, 20, hem palo odova vaćeren ando akava pućibe:

Sar ispuninđa pe akava proročanstvo?

Kolaž: O scene kola mothovena so ka ovel ko poslednja dive. 1. Thabljona o zgrade. 2. O vojnikija pucinena. 3. O manuša hem o policajcija marena pe ki ulica. 4. Duj manuša ćorena ki jekh prodavnica. 5. O tenko khuvela ki diz. 6. O bokhale manuša akharena maske hem terđona ko redo te len habe. 7. I phuv pharjola sebepi o šukipe. 8. O ćher pelo sebepi o zemljotres.

6. E Devleso Lafi vaćerđa ando buća kola avdije dikhaja

Ko e Devleso Lafi pisini so živinaja „ko poslednja dive“ (2. Timoteju 3:1). Dikh so prorekninđa aso amaro vreme.

Čitinen Matej 24:6, 7, hem palo odova vaćeren ando akava pućibe:

So e Devleso Lafi vaćeri ando poslednja dive?

Čitinen 2. Timoteju 3:1-5, hem palo odova vaćeren ando akala pućiba:

Premalo odova so pisini ko e Devleso Lafi, save ka oven o manuša ko poslednja dive?
Kola ando akala osobine avdije dikheja ko manuša?

AKO NEKO PHENELA: „I Biblija tani samo jekh purani knjiga koja pisinđe o manuša.“

So mislineja, sose šaj te verujina ko odova so pisini ko e Devleso Lafi, i Biblija?

SO SIKLJILJAM

I istorija, i nauka hem o proročanstvija mothovena amenđe so odova sostar vaćeri e Devleso Lafi tano tačno.

Te ponovina

Da li odova so pisini ko e Devleso Lafi tano ćaće ja paramiz?
Ko kola buća složinena pe e Devleso Lafi hem i nauka?
So mislineja, da li ka ovel odova so e Devleso Lafi vaćeri andi budućnost? Sose ađahar mislineja?

O dive ked završinđan i lekcija:

Ćhiv tuće cilj

Te šaj te uverine tut so odova sostar vaćeri e Devleso Lafi tano ćaće, čitin ja dikh diso ando odova soj tano ko deo „Rode pobuter.“

Pana diso:

Your other goal