ĐILI 134
O ćhave tane poklon ando Devel
1. Jekh manuš ked dad ovela,
ked dikhela i romni pe ćhave,
but bahtale tane, đanena
dinđa len poklon o Devel.
Olestar mudrost ked rodena,
šaj pe ćhave šukar te sikaven.
Hem mangipaja e ćhavese
o pravo drumo te mothoven.
(REFREN)
Sa o ćhave tane Devlestar,
tumenđe poklon ov dinđa.
Ando Devel te sikaven len,
ko leso drumo te phiren.
2. Sa o lafija Devlestar
te oven on tuće hor ko vilo.
Hem te ćhaja, hem te ćhave tu
kotar Jehova sikav len.
Hem ked bešeja, ked ušteja,
dive, rat uvek sikav te ćhaven.
Ko ćaćipe on ka aćhon hem
Devlese verno ka služinen.
(REFREN)
Sa o ćhave tane Devlestar,
tumenđe poklon ov dinđa.
Ando Devel te sikaven len,
ko leso drumo te phiren.
(Dikh hem Pon. zak. 6:6, 7; Ef. 6:4; 1. Tim. 4:16.)