I glavno tema andi Biblija tani e Devleso Kraljevstvo. Prekalo odova Kraljevstvo, o Jehova ki phuv ka ćerel sa odova so kotar početko manglja. Ama, soj tano odova Kraljevstvo? Sar đanaja so akana vladini? So ćerđa đi akana hem so ka ćerel pana hari? Ki akija hem ko avera duj lekcije ka vaćera odolestar.

1. Soj tano e Devleso Kraljevstvo hem koj tano Kralj ando odova Kraljevstvo?

E Devleso Kraljevstvo tano vlast koja avela ando Jehova. Ov ćhivđa e Isuse te ovel Kralj hem ov vladini kotar nebo (Matej 4:17; Jovan 18:36). Ki Biblija ando Isus pisini: „Ov ka vladini sar Kralj. . . zauvek“ (Luka 1:32, 33). Sar Kralj ando Devleso Kraljevstvo, o Isus ka vladini upro sa o manuša ki phuv.

2. Ko vladini e Isuseja?

O Isus na vladini kokri. O manuša kotar „sa o plemenija, o ćhibja, o nacije hem o narodija. . . ka vladinen sar kraljija upri phuv“ (Otkrivenje 5:9, 10). Kobor manuša ka vladinen e Isuseja? Sar o Isus hine ki phuv pa sa đi avdije, milionija manuša ulje olese učenikija. Da li on sare ka vladinen oleja? Na! Samo 144 000 olendar ka đan ko nebo hem ka vladinen e Isuseja. (Čitinen Otkrivenje 14:1-4.) Sa avera manuša ka živinen ki phuv hem e Devleso Kraljevstvo ka vladini upro lende (Psalam 37:29).

3. Sose tano e Devleso Kraljevstvo pošukar ando manušikane vlastija?

Iako disave vladarija mangena te ćeren odova soj tano šukar aso manuša, on nane len moć te ćeren sa odova so mangena. Ko krajo, ko olengo than avela neko ko dikhela samo pi korist hem na mangela te pomožini averenđe. Ama, nijekh aver vladari na ka avel ko Isuseso than. Oleso Kraljevstvo „niked na ka ovel uništimo“ (Danilo 2:44). O Isus ka vladini upri celo phuv hem na ka ćerel razlika maškaro manuša. Ov mangela e manušen, šukar tano hem pravedno hem ka sikavi amen te ova asavke jekh premalo aver. (Čitinen Isaija 11:9.)

4. E Devleso Kraljevstvo ka vladini upri celo phuv

Nijekh vladari na hine le odobor bari moć sar o Isus. Čitinen Matej 28:18, hem palo odova vaćeren ando akava pućibe:

• Sar e Isusesi vlast razlikujini pe ando manušikane vlastija?

O manušikane vlastija but putija menjinena pe hem svako olendar vladini samo upro jekh deo ki phuv. Ama, so šaj te phena ando Devleso Kraljevstvo? Čitinen Danilo 7:14, hem palo odova vaćeren ando akala pućiba:

• Sose tano šukar so e Devleso Kraljevstvo „niked na ka ovel uništimo?“

• Sose tano šukar so ka vladini upri celo phuv?

5. O avdisutne vlastija našti te rešinen o manušikane problemija

Sose e Devleso Kraljevstvo ka cidel o manušikane vlastija? Dikhen o VIDEO, hem palo odova vaćeren ando akava pućibe.

VIDEO: Soj tano e Devleso Kraljevstvo? – insert (1:41)

• So ulo odolese so vladinena o manuša?

Čitinen Propovednik 8:9, hem palo odova vaćeren ando akala pućiba:

• So tu mislineja, sose tano šukar te vladini e Devleso Kraljevstvo, a na o manuša? Sose mislineja ađahar?

6. Okola so ka vladinen šukar haljona amen

Sebepi so amaro Kralj, o Isus, živinđa sar manuš ki phuv, ov „šaj te haljol amare slabostija“ (Jevrejima 4:15). Oleja ka vladinen 144 000 murša hem đuvlja, kolen o Jehova birinđa „ando sa o plemenija, o ćhibja, o nacije hem o narodija“ (Otkrivenje 5:9).

• Sar osetineja tut ked đaneja so o Isus hem okola so ka vladinen oleja haljona amen hem o problemija kola isi amen? Sose?

7. E Devleso Kraljevstvo isi le pošukar zakonija

O vlastija anena zakonija te šaj e manušenđe te ovel šukar hem te zaštitinen len. Isto ađahar, hem okola so mangena te živinen ko Devleso Kraljevstvo valjani te šunen e Devlese zakonija. Čitinen 1. Korinćanima 6:9-11, hem palo odova vaćeren ando akala pućiba:

• So mislineja, savo ka ovel o sveto ked sa o manuša ka ićeren pe ko Devlese zakonija?a

• So mislineja, da li o Devel isi le pravo te rodel ando pe sluge te ićeren pe ko olese zakonija? Sose mislineja ađahar?

• So mothovi so o manuša kola na ićerena pe ko olese zakonija ipak šaj te menjinen pe? (Dikhen o 11. stih)

SO SIKLJILJAM

E Devleso Kraljevstvo tano jekh ćaćutni vladavina ko nebo koja ka vladini upri celo phuv.

Te ponovina

• Ko ka vladini ko Devleso Kraljevstvo?

• Sose tano e Devleso Kraljevstvo pošukar ando sa o manušikane vlastija?

• Kola tane disave buća so o Jehova rodela okolendar so mangena te živinen ko Devleso Kraljevstvo?

RODE POBUTER

Dikh so o Isus phenđa kaj tano e Devleso Kraljevstvo.

„Da li tano e Devleso Kraljevstvo ko to vilo?“ (članko ko amaro sajt)

Sose tano e Jehovase svedokonenđe považno te šunen e Devle, a na e manušen?

Amenđe tano o Kraljevstvo ko prvo than (1:43)

Dikh so e Devleso Lafi vaćeri ando 144 000 kas o Jehova birini te vladinen e Isuseja.

„Ko đala ko nebo?“ (članko ko amaro sajt)

So uverinđa jekha romnja koja hine ko phanlipe so jedino o Devel šaj te anel pravda ki phuv?

„So uverinđa man so jekh dive više na ka ovel nepravda?“ (Probudite se!, novembar 2011)

E Devleso Kraljevstvo počminđa te vladini ko nebo ko 1914. berš. Tegani, počminđe hem o poslednja dive andi manušengi vlast. Sar odova đanaja? Akana ka dikha disave proročanstvija andi Biblija, so ovela ko sveto hem sar o manuša ponašinena pe kotar 1914. berš.

1. So e biblijake proročanstvija mothovena?

Andi biblijaki knjiga Danilo šaj te haljova so e Devleso Kraljevstvo ka počmini te vladini ked ka završini pe o period kova vićini pe „efta vremenija“ (Danilo 4:16, 17). Beršencar palo odova, o Isus vaćerđa kotar odova isto period sar „vreme soj tano odredimo e narodonđe kola na služinena e Devlese.“ Kotar odova so phenđa dićhilo so odova period tegani pana na završinđa pe (Luka 21:24). Sar so ka dikha, o efta vremenija završinđe pe ko 1914. berš.

2. So ovela ko sveto hem save tane o manuša kotar 1914. berš?

E Isusese učenikija pućlje le: „So ka ovel znak andi ti prisutnost hem ando kraj kotar akava sveto?“ (Matej 24:3). O Isus phenđa lenđe kola buća ka oven ko sveto palo odova so ka počmini te vladini sar Kralj ko nebo. Disave olendar tane o mariba, o bokhalipa hem o zemljotresija. (Čitinen Matej 24:7.) Isto ađahar, ki Biblija pisini save ka oven o manuša „ko poslednja dive“ hem so tegani ka ovel „but pharo vreme“ (2. Timoteju 3:1-5). Kotar 1914. berš sa akala buća ovena.

3. Sose ki phuv isi odobor lošnipa sar počminđa te vladini e Devleso Kraljevstvo?

Sigate palo odova so o Isus ulo Kralj, ko nebo hine jekh maribe maškaro Isus hem o Beng hem olese demonija. O Isus pobedinđa len. I Biblija phenela so o Beng „hine fordimo tele ki phuv, hem olese anđelija hine fordime tele oleja“ (Otkrivenje 12:9, 10, 12). O Beng tano but holjamo sose đanela so pana hari ka ovel uništimo. Ov tano odgovorno aso sa o lošnipa kola isi ki phuv. Odolese, na hijam iznenadime so ki phuv isi odobor problemija. Ama, pana hari e Devleso Kraljevstvo ka cidel sa odola problemija.

SIKLJOV POBUTER

4. E biblijake proročanstvija mothovena so e Devleso Kraljevstvo počminđa te vladini ko 1914. berš

VIDEO: E Devleso Kraljevstvo počminđa te vladini ko 1914. berš (5:02)

O Devel ćerđa o kralj Navuhodonosor te dikhel ko suno so ka ovel ki budućnost. Ki Biblija pisini so dikhlja ko suno hem sar o Danilo objasninđa le. Odova suno vaćeri ando duj buća: i vlast ando kralj Navuhodonosor hem ando Devleso Kraljevstvo. (Čitinen Danilo 4:17.)a

Čitinen Danilo 4:20-26, hem palo odova koristin i tabela te šaj te odgovorine ko akala pućiba:

• • (1) So o Navuhodonosor dikhlja ko suno? (Dikhen o 20. hem 21. stih)

• • (2) So ka ovel e kašteja? (Dikhen o 23. stih)

• • (3) So ka ovel palo „efta vremenija“? (Dikhen o 26. stih)

Sar o suno kotar kaš odnosini pe ko Devleso Kraljevstvo?

O PROROČANSTVO (Danilo 4:20-36)

Vlast

(1) Jekh baro kaš

I vlast tani lendi

(2) „Ćhinen o kaš“ hem nek nakhen „efta vremenija“

I vlast tani irimi

(3) „To kraljevstvo palem ka irini pe tuće“

Prvo ispunjenje. . .

• (4) Kas predstavinđa o kaš? (Dikhen o 22. stih)

• (5) Ked ćhinavđa te vladini? (Čitinen Danilo 4:29-33.)

• (6) So ulo e kraljeja Navuhodonosor palo „efta vremenija“? (Čitinen Danilo 4:34-36.)

PRVO ISPUNJENJE

Vlast

(4) O Navuhodonosor, o kralj ando Vavilon

I vlast tani lendi

(5) Palo 606. berš angl. n. e., o Navuhodonosor naborsalo ađahar so našalđa pi godi hem naštine te vladini efta berš

I vlast tani irimi

(6) E Navuhodonosorese irinđa pe i godi hem palem počminđa te vladini

Dujto ispunjenje. . .

• (7) Kas predstavinđa o kaš? (Čitinen 1. Letopisa 29:23.)

• (8) Ked ćhinavđe te vladinen? Sar đanaja so on na vladinđe ked o Isus hine ki phuv? (Čitinen Luka 21:24.)

• (9) Ked hem kaj odija vlast hine irimi?

DUJTO ISPUNJENJE

Vlast

(7) O izraelska kraljija kola vladinđe ko e Devleso anav

I vlast tani lendi

(8) O Jerusalim hine uništimo, o izraelska kraljija na vladinđe 2 520 berš

I vlast tani irimi

(9) O Isus počmini te vladini ko nebo sar Kralj ando Devleso Kraljevstvo

5. O sveto but menjinđa pe kotar 1914. berš

Dikhen o VIDEO.

VIDEO: O sveto but menjinđa pe kotar 1914. berš (1:10)

O Isus phenđa kola buća ka oven ko sveto ked ov ka ovel Kralj. Čitinen Luka 21:9-11, hem palo odova vaćeren ando akava pućibe:

• Kola ando akala buća dikheja so ovena avdije?

O apostol Pavle pisinđa save ka oven o manuša ko poslednja dive. Čitinen 2. Timoteju 3:1-5, hem palo odova vaćeren ando akava pućibe:

• Kola ando akala osobine dikheja ko manuša avdije?

6. Mothov so verujineja so e Devleso Kraljevstvo akana vladini

Čitinen Matej 24:3, 14, hem palo odova vaćeren ando akala pućiba:

• So pana mothovi so e Devleso Kraljevstvo akana vladini?

• Sar šaj hem tu te učestvujine ko odova?

E Devleso Kraljevstvo akana vladini ko nebo hem but tano paše o dive ked ka počmini te vladini hem upri celo phuv. Čitinen Jevrejima 10:24, 25, hem palo odova vaćeren ando akava pućibe:

• So valjani te ćerel svako amendar sar „dikhaja soj tano o dive popaše?“

SO SIKLJILJAM

E biblijake proročanstvija hem o buća kola ovena ko sveto mothovena so e Devleso Kraljevstvo akana vladini. Amen mothovaja so verujinaja ko odova ked vaćeraja averenđe kotar odova Kraljevstvo hem redovno đaja ko sastankija.

Te ponovina

• So ulo palo efta vremenija kola pominena pe ki biblijaki knjiga Danilo?

• So uverini tut so e Devleso Kraljevstvo počminđa te vladini ko 1914. berš?

• Sar mothoveja so verujineja so e Devleso Kraljevstvo akana vladini?

RODE POBUTER

Dikh so disave istoričarija hem avera manuša phenđe kobor o sveto menjinđa pe kotar 1914. berš.

„Ked o sveto počminđa te menjini pe?“ (Probudite se!, april 2007)

Čitin sar o proročanstvo ando Matej 24:14 utičinđa upro jekh manuš.

„O bejzbol hine maje sa ko životi“ (Stražarska kula, br. 3/2017)

Sar đanaja so o proročanstvo kotar Danilo 4. poglavlje vaćeri kotar Devleso Kraljevstvo?

„Ked e Devleso Kraljevstvo počminđa te vladini? – 1. deo“ (Stražarska kula, 1. oktobar 2014)

So mothovi so o „efta vremenija“ kola pominena pe ko Danilo 4. poglavlje završinđe pe ko 1914. berš?

„Ked e Devleso Kraljevstvo počminđa te vladini? – 2. deo“ (Stražarska kula, 1. novembar 2014)

E Devleso Kraljevstvo već vladini ko nebo. Pana hari, ka ćerel bare promene ki phuv. Hajde te dikha kola šukar buća ka oven ked odova Kraljevstvo ka vladini.

1. Sar e Devleso Kraljevstvo ka anel mir hem pravda ki phuv?

Ko Armagedon, o Isus sar Kralj ando Devleso Kraljevstvo, ka uništini e lošno manušen hem o manušikane vlastija (Otkrivenje 16:14, 16). Tegani ka ispunini pe odova so pisini ki Biblija: „Pana hari hem o lošna više na ka oven“ (Psalam 37:10). Prekalo odova Kraljevstvo, o Isus ka ćerel ki phuv te ovel mir hem pravda. (Čitinen Isaija 11:4.)

2. Savo ka ovel o životi ked sa o manuša ka šunen e Devle?

Ked e Devleso Kraljevstvo ka vladini „o pravednikija ka nasledinen i phuv hem zauvek ka živinen upro late“ (Psalam 37:29). Zamislin sar ka ovel ked ka živine ko sveto kuri sa o manuša tane pravedna, mangena e Jehova hem jekh jekhe. Nijekh na ka ovel nabormo hem sare zauvek ka živinen.

3. So e Devleso Kraljevstvo ka ćerel palo odova so o lošna ka oven uništime?

Palo odova so o lošna ka oven uništime, o Isus ka vladini 1 000 berš. Tegani, o Isus hem o 144 000 kola ka vladinen oleja, ka pomožinen e manušenđe te oven savršena. Đi o krajo ando odova period, celo phuv ka ovel raj hem sa o manuša ka oven bahtale sose šunena e Jehovase zakonija. Palo odova, o Isus ka irini o Kraljevstvo pe Dadese, e Jehovase. Ađahar, e Jehovaso anav ka ovel posvetimo (Matej 6:9, 10). Tegani ka mothovi pe so o Jehova tano šukar vladari kova brinini pe ando pe sluge. Ov ka uništini e Benge, e demonen hem sa okolen kola ka ušten protiv oleste (Otkrivenje 20:7-10). O šukaripe kova ka anel e Devleso Kraljevstvo ka trajini zauvek.

SIKLJOV POBUTER

4. E Devleso Kraljevstvo ka uništini o manušikane vlastija

„Ked o manuš vladini upro manuš odova anela samo lošnipe“ (Propovednik 8:9). Prekalo po Kraljevstvo, o Jehova ka cidel sa o lošnipa kola ulje sebepi so o manuša vladinena.

Čitinen Danilo 2:44 hem 2. Solunjanima 1:6-8, hem palo odova vaćeren ando akala pućiba:

• So o Jehova hem o Isus ka ćeren e manušencar kola tane ki vlast hem okolencar so podržinena len?

• Sar odova so sikljiljan ando Jehova hem ando Isus uverini tut so on ka postupinen pravedno?

5. O Isus tano najšukar Kralj

Sar Kralj ando Devleso Kraljevstvo, o Isus ka pomožini e manušenđe ko but načinija. Dikhen o VIDEO kova mothovi so o Isus mangela te pomožini e manušenđe hem so o Jehova dinđa le moć te ćerel odova.

VIDEO: O Isus mothovđa so ka ćerel o Kraljevstvo (1:13)

Ked hine ki phuv, o Isus mothovđa so ka ćerel odova Kraljevstvo. Kola ando akala blagoslovija jedva ađićereja? Čitinen o stihija kola vaćerena pobuter ando odola blagoslovija.

6. E Devleso Kraljevstvo ka anel amenđe but šužo životi

VIDEO: Dikh savo šužo životi ađićeri amen (4:38)

Čitinen Psalam 145:16, hem palo odova vaćeren ando akava pućibe:

• Sar osetineja tut ked đaneja so o Jehova sa e manušenđe ka del odova so mangena?

SO SIKLJILJAM

E Devleso Kraljevstvo ka ćerel odova so o Devel mangela. Ka ćerel celo phuv te ovel raj kuri o manuša ka oven bahtale hem zauvek ka služinen e Jehovase.

Te ponovina

• Sar e Devleso Kraljevstvo ka posvetini e Jehovaso anav?

• Sose šaj te verujina so e Devleso Kraljevstvo ka ćerel odova so pisini ki Biblija?

• So jedva ađićereja te ćerel e Devleso Kraljevstvo?

RODE POBUTER

Sikljov soj tano o Armagedon.

„Soj tano o Armagedon?“ (članko ko amaro sajt)

Čitin kola događaja ka oven ki „bari nevolja“ (Matej 24:21).

„Soj tani i bari nevolja?“ (članko ko amaro sajt)

Dikh sar disave porodice razmislinena so ka ćeren ko raj.

Da li dikheja tut ko raj? (1:50)

Čitin o iskustvo „Hine man but pućiba“ hem sikljov sar jekh manuš haljilo ko ka rešini sa amare problemija.

„I Biblija pomožini e manušenđe te menjinen po životi“ (Stražarska kula, 1. januar 2012)