Šaj te pobedina i mržnja!

Ako na, tegani sigurno dikhljan sar o manuša mothovena so mrzinena jekh jekhe. But putija, dikhaja ja šunaja sar tane o manuša maltretirime, sebepi so avena andi aver phuv, aver nacija ja sebepi soj tane homoseksualcija. Ko but phuvja, o vlastija anena zakonija premalo kola o manuš šaj te dobini bari kazna ako ćerela disavo zločin sebepi i mržnja.

I mržnja bijani i mržnja. O manuša kola tane žrtva andi mržnja, but putija mrzinena averen hem mangena te povredinen len hem ađahar sa đala ko krugo.

Šaj đaneja sar tano ked neko osudini tut iako na penđari tut, marela tuće muj, vređini tut ja pretini tuće. Ama, i mržnja na aćhola samo ko odova. But putija, i mržnja šaj te anel đi o maribe, silovanje hem mudaribe.

Ko akava časopis ka dikha o odgovor ko pućiba kola tane dinde tele hem ka dikha sar šaj i mržnja te pobedini pe:

• Sose isi odobor mržnja?

• Sar šaj te ćhinava i mržnja?

• Da li ka avel o dive ked više na ka ovel mržnja?