SAR ŠAJ TE ĆHINAVA I MRŽNJA?
1 | Ma dikh koj tano ko
I Biblija phenela:
„O Devel na dikhela koj tano ko, nego kotar svako narodo prihvatini svakone kova darala olestar hem ćerela odova soj tano pravedno“ (DELA APOSTOLSKA 10:34, 35).
So značini akava?
O Jehovaa, o Devel, na dikhela ando kova narodo, andi koja nacija ja kultura avaja. Ov dikhela odova soj tano but považno – save manuša hijam andral. Ćaće tano odova so pisini ki Biblija: „O manuš dikhela odova so šaj jaćhencar te dikhel pe, a o Jehova dikhela odova soj tano ko vilo“ (1. Samuilova 16:7).
So šaj tu te ćere?
Iako našti te đana soj tano ko manušeso vilo, amen valjani te da sa amendar te ova sar o Devel hem te na ćera razlika maškaro manuša. Svako manuš tano averćhane, odolese trudin tut te dikhe e manuše savo tano ov. Ako osetineja so isi tut lošno mišljenje nekastar, na primer sebepi so avela ando aver narodo, molin tut e Devlese te ikale odova ando to vilo (Psalam 139:23, 24). Ked ando vilo molineja tut e Jehovase te pomožini tut te na ćere razlika maškaro manuša, ov sigurno so ov ka šunel tut hem ka pomožini tuće (1. Petrova 3:12).
a Jehova tano e Devleso anav (Psalam 83:18).
„Angleder niked na bešljum jekhe parne manušeja. . . Akana uljum deo andi jekh bari porodica.“ (TITUS)