O Isus „sikljilo te ovel poslušno“

O Isus uvek hine poslušno e Jehovase (Jov. 8:29). Sose onda i Biblija phenela: „Ando odova so trpinđa sikljilo te ovel poslušno“? (Jevr. 5:8).

Đi hine ki phuv, o Isus doživinđa disave buća kola na doživinđa ko nebo. Na primer, olese roditeljija manglje e Jehova, ama hine nesavršena (Luka 2:51). O religiozna vođe hem o vladarija lošno ponašinđe pe premalo leste (Mat. 26:59; Mar. 15:15). Ov mulo ko bare dukha. Ama, ki Biblija pisini so ov „ponizinđa pe hem hine poslušno sa đi o meribe“ (Fil. 2:8).

Đi hine ki phuv, ov sikljilo ko nevo način te ovel poslušno. Ađahar ulo savršeno Prvosveštenik hem Kralj kova šaj te haljol amen (Jevr. 4:15; 5:9). Palo odova so sikljilo te ovel poslušno sebepi o buća kola doživinđa, o Isus ulo pana podragoceno hem pokorisno e Jehovase. Amen isto šaj te ova pana podragocena hem pokorisna e Jehovase ako aćhovaja lese poslušna čak ked isi amen bare pharipa (Jak. 1:4).