Ο Ευαγγέλιος σο Γραφιντάς ο Μάρκος
16 Κάνα νακχλόας ο Σάββατος, η Μαρία η Μαγδαληνή, η Μαρία σο λάκο τσσαβό ισινέ ο Ιάκωβος ντα η Σαλώμη κιντέ πράγματα σο κχάντενας μίσκι για τι αβέν ντα τι μακχέν ο σώμας ι Ιησούσκο. 2 Ντα ντιπ πρωί ο πρώτος ντιβές ι εβδομαδάκο, σο νικίστιλο ο κχαμ, αβιλέ κο μεζάρι.* 3 Ντα βακερένας η εκ ι γιαβεράκε: «Κον κα ταρτίνελ αμένγκε ο μπαρ ανγκλάλ κατά μεζάρι;» 4 Αλλά κάνα βαντιντέ πουμαρέ γιακχά, ντικχλέ ότι ο μπαρ ταρτίντιλοας, παρόλο σο ισινέ μπουτ μπαρό. 5 Κάνα ντινέ αντρέ κο μεζάρι, ντικχλέ εκχέ τερνέ μουρσές ιριαντό παρνέ σεΐντζαρ τι μπεσέλ κι δεξιά μπάντα, ντα σαστισάλε. 6 Βοβ βακερντάς λένγκε: «Μα σαστίνεν. Ρόντενα ι Ιησούσκε σο ισί κατά Ναζαρέτ ντα ιμπλαντέ-λες κο κας. Ιστίντιλο. Νανέ ατθέ. Άκ’ ο τθαν σο τσσουντέ-λες. 7 Αλλά τζαν ντα βακερέν λέσκε μαθητένγκε ντα ι Πετρόσκε: “Τζάλα πο τζανγκλέ τουμένταρ κι Γαλιλαία. Οτθέ κα ντικχέν-λες, σαρ βακερντάς τουμένγκε”». 8 Ο τζουβλιά κάνα νικίστιλε αβρί, νασλέ κατά μεζάρι ιζραϊμάσαρ ντα πουταρντέ μόσαρ. Ντα να βακερντέ τίποτα καεκχέσκε, σόσκε νταρένας.*