Ο Πρώτος Γράμμας σο Μπουτσσάντιλο κο Κορίνθιοι

5 Ασουνάβα ότι αβέλα-πες λουμνιπέ* τουμέντε. Αζόμ μπαρό λουμνιπέ* σο να αβέλα-πες ούτε αντρέ κο τζενέ σο ισί γιαβερέ τθεμένταρ. Εκ τζενό λιντάς πι νταντέσκε ρομνιά. 2 Ντα ισαρένα-τουμέν ανταλέσκε; Δεν έπρεπε τι στεναχωρίντιβεν μπουτ ντα τι ατσσικιαρέν ντουρ τουμένταρ οντουλές σο κερντάς ανταβά πράγμας; 3 Παρόλο σο να ισινόμ τουμέντζαρ, μι γκοντί* ισί τουμέντε, ντα κριντόμ οντουλές σο κερντάς-λες ανταβά σαρ τι αβάβας οτθέ τουμέντζαρ. 4 Κάνα κα γκιντίντιβεν κο ναβ αμαρέ Κυριόσκο, κι Ιησούσκο, τι τζανέν ότι μι γκοντί* ντα η ζορ αμαρέ Κυριόσκι, ι Ιησούσκι, ισί τουμέντζαρ. 5 Πρέπει τι ντεν ανταλέ τζενές κο βαστά κι Μπενγκέσκε για τι νασέλ η αμαρτία σο αντάς κι κχανγκιρί, ντα αντικάς ο τρόπος σκέψης* ι κχανγκιριάκο τι ατσσόλ αρακχαντό κο ντιβές κι Κυριόσκο.

6 Νανέ λατσσό σο ισαρένα-τουμέν ανταλέσκε. Να τζανένα ότι χάνικ μαγιά κερέλα σαρό ο χουμέρ τι φουσκώνελ; 7 Φουρτίνεν ι πουρανί μαγιά για τι αβέν νεβό χουμέρ, σόσκε δεν πρέπει τι τθερέν μαγιά αντρέ τουμέντε. Επειδή ο Χριστός, αμαρό πασχαλινός μπρακό, μουλό σαρ θυσία. 8 Οτθάρ, μα τι κεράς ο μπαρό ντιβές πουρανέ μαγιάσαρ ούτε μαγιάσαρ σο μανγκέλα τι σικαβέλ ι αμαρτία ντα ο γκεραλιπέ,* αλλά μαντρέσαρ σο να τθερέλα μαγιά ντα μανγκέλα τι σικαβέλ σο-ντα ισί λατσσό ντα αληθινός.

9 Κο γράμμας σο μπουτσσαντόμ τουμένγκε γραφιντόμ τι τσσιναβέν τι κερέν παρέα τζενέντζαρ σο κερένα λουμνιπέ.* 10 Να μανγκάβας τι βακεράβ μα τι κερέν ιτς παρέα ανταλέ ντουνιάσκε τζενέντζαρ σο κερένα λουμνιπέ* ή οντουλέντζαρ σο ισί μπίτσαλε γιακχάκε ή οντουλέντζαρ σο ισί τσορά* ή οντουλέντζαρ σο ντένα λατρεία κο είδωλα. Άμα ισινέ αντικάς, έπρεπε τι νασέν κατά ντουνιάς. 11 Ακανά όμως γραφίναβα τουμένγκε τι τσσιναβέν τι κερέν παρέα κάσαρ βακέρντιβελα πφραλ ντα κερέλα λουμνιπέ* ή ισί μπίτσαλε γιακχάκο ή ντέλα λατρεία κο είδωλα ή βακερέλα μπέτι λάφια* ή ματιόλα ή ισί τσορ.* Δεν πρέπει ούτε τι χαν εκχέ ασακέ τζενέσαρ. 12 Σο μπουτί τθεράβα με τι κρίναβ οντουλέν σο ισί κο ντουνιάς; Να κρίνενα τουμέν οντουλέν σο ισί κι κχανγκιρί 13 ντα ο Ντεβέλ να κρίνελα οντουλέν σο ισί κο ντουνιάς; «Ατσσικιαρέν ντουρ τουμένταρ ι πφιρνέ* τζενές».