Ο Γράμμας σο Μπουτσσάντιλο κο Εβραίοι
5 Κάθε τζενό σο τραμπίντιβελα σαρ αρχιερέας υπηρετίνελα τζενέν κο πράγματα σο τθερένα τι κερέν με την υπηρεσία ι Ντεβλέσκι για τι ντελ δώρα ντα θυσίες αμαρτιένγκε. 2 Βοβ μπορίνελα τι τζιτζίνελ οντουλένγκε* σο να τζανένα σο ισί σωστός ντα σο ισί λάθος, επειδή τζανέλα ότι βοβ-ντα ισί μπίζουρανο. 3 Οτθάρ, πρέπει τι ντελ θυσίες πιρέ-ντα αμαρτιένγκε σαρ ντέλα ι αμαρτιένγκε σο κερέλα ο λαός.
4 Εκ τζενό ναστί αβέλα αρχιερέας από κορκορό, αλλά σάντε κάνα τραμπίντιβελα κατά Ντεβέλ, σαρ αβιλό-πες με τον Ααρών-ντα. 5 Αντικάς ο Χριστός-ντα να αβιλό από κορκορό αρχιερέας, βα, να δοξαντάς βοβ πο νεαυτός. Αλλά ο Ντεβέλ ισινέ οντουβά σο δοξαντάς-λες κάνα βακερντάς λέσκε: «Τούι ισινάν μο τσσαβό, αντιβές με αβιλόμ το ντατ». 6 Ντα σαρ βακερέλα εκχέ γιαβερέ εδαφιόστε: «Τούι ισινάν ιερέας* σαρ ο Μελχισεδέκ ντα κα ατσσός για πάντα ιερέας».
7 Κάνα τζουβντιόλας κι πφουβ, ο Χριστός μολίνελας* αντράλ πι γκίσταρ, βικόσαρ ντα ροϊμάσαρ, Οντουλές σο μπορίνελας τι σώνελ-λες κατά μεριπέ, ντα λέσκε προσευχές ασούντιλε επειδή νταρέλας κατά Ντεβέλ. 8 Παρόλο σο ισινέ λέσκο τσσαβό, σικλιλό τι ντελ καν ιτιρί οντουλένταρ σο τσσιντιντάς. 9 Αφού σαρέ κο πράγματα βοβ ντινάς καν,* οντουλά σο ντένα καν λέστε μπορίνενα τι σώντιβεν ντα τι λεν ζωή για πάντα αντράλ λέσταρ, 10 επειδή ο Ντεβέλ τραμπιντάς-λες τι αβέλ αρχιερέας σαρ ισινέ ο Μελχισεδέκ.
11 Τθεράσα μπουτ πράγματα τι βακεράς τουμένγκε ι Χριστόσκε, αλλά ισί δύσκολος τι εξηγίνας-λεν σόσκε να κερένα ο πο λατσσό για τι αγαβέν-λεν. 12 Παρόλο σο ακανά έπρεπε τι αβέν δάσκαλοι, τθερένα πάλι ανάγκη εκχέ τζενές για τι σικλιαρέλ-τουμέν ο πρώτα πράγματα σο σικλιλένας κατά άγιος λάφι ι Ντεβλέσκο. Ντα αβιλέν πάλι τζενέ σο να χρειαζίντιβενα χαμπέ αλλά τθουτ. 13 Οντουβά σο συνεχίνελα τι πιλ τθουτ να τζανέλα λατσσές ο λάφι ι Ντεβλέσκο σο σικλιαρέλα-αμέν ο σωστός, σόσκε ισί χουρντό μαξίμι. 14 Αλλά ο χαμπέ ισί ι τζενένγκε σο ισί πνευματικά ζουρανέ,* οντουλένγκε σο σικλιλέ τι χρησιμοποιήνεν ι ικανότητα τι σκεφτίνεν για τι μπορίνεν τι αγαβέν σο ισί σωστός ντα σο λάθος.