Σαρ τι Κεράς Λάφι ι Ντεβλέσκε πιο Λατσσές—Σαρ τι Κεράς Λάφι ι Ντεβλέσκε Τθανέντε με Μαγαζιά

Σόσκε Ισί Σημαντικός: Αφού μπουτ τζενέ κερένα μπουτ σαάτια μπουτί, ο πιο λατσσό τρόπος για τι βακεράς λένγκε ο λατσσέ αμπέρια ισί τι τζας οτθέ σο κερένα μπουτί. Επειδή ο τζενέ να λειπίνενα πουμαρέ μπουτιάταρ ντα ισί ευγενικοί οντουλέντζαρ σο ισί λένγκε πελάτες, όταν τζάσα τι κεράς λάφι ι Ντεβλέσκε λένγκε μπουτιάτε μπορίνασα τι λας μπαρί χαρά ντα τι αρακχάς τζενέν σο μανγκένα τι ασουνέν ντα τι λεν περιοδικά, βιβλία ή φυλλάδια. Για τι τθερέν λατσσέ αποτελέσματα, ο ευαγγελιζόμενοι πρέπει τι αγαβέν κάνα μπορίνενα τι κερέν λάφι κο τζενέ ντα τι προσοχίνεν σαρ ιριαβένα-πες ντα σαρ λατσσαρένα-πες. (2 Κορ. 6:3) Οτθάρ, ο επίσκοπος υπηρεσίας τθερέλα ι ευθύνη τι ντικχέλ καζόμ φορές τζάνα κάθε μπρες τθανέντε με μαγαζιά για τι βακερέν ο λατσσέ αμπέρια ντα κον τζάλα.

Σο τι Κερέν:

Ετοιμάνεν εκ παρουσίαση σο να κα αβέλ μπαρί. Άμα κα λας μπουτ χρόνος λέσκε μπουτιάταρ, μπορεί μα τι ντιντιόλ-αμέν πάλι η ευκαιρία τι κεράς λέσαρ λάφι.
Αρακχέν εκ σαάτι σο να τθερένα μπουτ μπουτί ο μαγαζιά, για παράδειγμας όταν πουτρένα.
Προσπαθίνεν τι πλησιάνεν ι αφεντικός. Τι κερέν λάφι αντράλ τουμαρέ γκίσταρ ντα τι αβέν φιλικοί. Μπορίνενα τι βακερέν: «Για μπουτ χάνικ κεράσα λάφι κο τζενέ λένγκε μπουτιάτε, επειδή νανέ εύκολος τι αρακχάς-λεν λένγκε κχερέντε». Κερέν εκ χουρντί παρουσίαση ντα ντεν εκ φυλλάδιος, ο περιοδικά ή κάτι γιαβέρ για τι διαβάνεν. Για μα τι αμντίνεν ότι μπικινάσα κάτι, μόνο άμα κα πουτσέν σαρ αβέλα-πες ανταβά έργος τι βακεράς λένγκε ότι κον μανγκέλα ντέλα λοβέ.
Αν ο αφεντικός ισί φιλικός, πουτσέν-λες άμα μουκχέλα-τουμέν τι κερέν χάνικ λάφι οντουλέντζαρ σο κερένα λέστε μπουτί. Σε μερικά μαγαζιά ισί λατσσό τι πουτσέν άμα μπορίνενα τι μουκχέν βιβλία, περιοδικά ή φυλλάδια οτθέ σο κερένα διάλειμμας ο υπάλληλοι.
Τι αγαβέν κάνα μπορίνενα τι κερέν λάφι. Για παράδειγμας, άμα ο υπάλληλος οντουβά σαάτι ισί απασχολιμέ, μπεσέν μέχρι τι τελειώνελ ντα σοράν πλησιάνεν-λες.

Κερέν Ακαβά Ανταλέ Μασικέστε:

Κι γιαβέρ φαρ σο κα τθερέν τουμαρί φαμιλιάκι λατρεία, ετοιμάνεν εκ χουρντί παρουσίαση ντα κερέν πρόβες για τι μπορίνεν τι κερέν λάφι ι Ντεβλέσκε άμα κα τζαν τθανέντε με μαγαζιά.