Τι Τθερέν ι Πίστη σο Τθερένας Βον-ντα
1. Καβά βιβλίος κα αρχίνας τι διαβάνας κι Εκκλησιαστική Γραφική Μελέτη κι εβδομάδα από 19 Οκτωβρίου;
1 Κι εβδομάδα από 19 Οκτωβρίου 2015, κι Εκκλησιαστική Γραφική Μελέτη κα αρχίνας τι διαβάνας ο βιβλίος Να Μιμείστε την Πίστη Τους (Τι Τθερέν ι Πίστη σο Τθερένας Βον-ντα). Ανταβά βιβλίος βακερέλα 14 πιστέ μουρσένγκε ντα τζουβλιένγκε, σο ο ιστορίες λένγκε ισί αντρέ κι Αγία Γραφή. Ντα κερέλα-λες ανταβά αζόμ σουκάρ σο μπορίνασα τι ντικχάς αμαρέ γκοντιάσαρ ανταλέ πιστέ τζενέν, ντα αντικάς τι αγαβάς ότι βον-ντα υπηρετίνενας ι Ιεχωβάς παρόλο σο τθερένας προβλήματα. Ο ιστορίες, σο τθερέλα ανταβά βιβλίος, σικλιαρένα-αμέν σημαντικά πράγματα για τι βοηθίνεν-αμέν τι κεράς-λεν αμαρέ ζωγιάτε.—Εβρ. 6:12.
2. Βακερέν μερικά σημαντικά πράγματα σο τθερέλα ο βιβλίος Τι Τθερέν ι Πίστη σο Τθερένας Βον-ντα.
2 Σημαντικά πράγματα σο τθερέλα: Ο βιβλίος τθερέλα ντούι σελίδες σο σικαβένα κάνα αβιλέ-πες κάποια πράγματα ντα χάρτες για τι αγαβάς κάνα ντα κάι τζουβντιλό ο κάθε τζενό. Κάθε κεφάλαιος τθερέλα εκ πίνακας με θέμας «Σκεφτίνεν . . .», σο κα βοηθίνελ-αμέν τι σκεφτίνας ανταλά ιστορίες ντα τι κεράς αμαρέ ζωγιάτε οντουλά σο σικλιλάμ. Επίσης, κάνα γραφιντέ ο βιβλίος, ροντιντέ μπουτ για τι τσσουβέν σουκάρ φωτογραφίες σο κα βοηθίνεν-αμέν τι ανάς αμαρέ γκοντιάτε σαρέ οντουλά σο κα διαβάνας.
3. Σαρ μπορίνασα τι βοηθίντιβας κάνα διαβάνασα ανταβά βιβλίος;
3 Σαρ Μπορίνενα τι Βοηθίντιβεν: Ο γράμμας κατά Κυβερνών Σώμας σο τθερέλα κι αρχή ο βιβλίος βακερέλα: «Τι χρησιμοποιήνεν τουμαρί φαντασία. Τι προσπαθίνεν τι νιωθίνεν ντα τι ντικχέν οντουλά σο νιωθίνενας ντα ντικχένας ο τζενέ σο ισί κι ιστορία. Σκεφτίνεν σο κερντέ βον σε εκ κατάσταση ντα σο κα κερένας τουμέν άμα ισινένας λένγκε θεσιάτε». Όμως, ανταβά να μανγκέλα τι βακερέλ ότι κα μουκχάς αμαρί φαντασία τι σκεφτίνελ πράγματα σο νανέ λογικά, αλλά ότι ανάσα αμαρέ γκοντιάτε σαρέ οντουλά σο βακερέλα η Αγία Γραφή ντα τσσουβάσα αμαρό νεαυτός λένγκε θεσιάτε. Για τι κεράς-λες ανταβά πρέπει τι αρακχάς χρόνος ντα τι σκεφτίνας λατσσές οντουλά σο διαβάνασα. (Νεεμ. 8:8) Άμα ο μάθημας να ξεκινίνελα από την αρχή του κεφαλαίου, ο πφραλ σο κερέλα ο βιβλίος πρέπει τι βακερέλ, για 30 μέχρι 60 δευτερόλεπτα, σο διαβαντάμας ι γιαβέρ φαρ. Κο τέλος, άμα ο μάθημας να τθερέλα ο πίνακας με θέμας «Σκεφτίνεν . . .», πρέπει τι κερέλ εκ ή ντούι ερωτήσεις για τι ντεν-πες γκοντί σο ντικχλέας ι γιαβέρ φαρ.
4. Σόσκε πρέπει τι διαβάνας ο βιβλίος Τι Τθερέν ι Πίστη σο Τθερένας Βον-ντα;
4 Τζουβντιάσα εκχέ ντουνιάστε σο προσπαθίνελα με μπουτ τρόπους κάθε ντιβές τι καταστραφίνελ σιγά σιγά αμαρί πίστη. Ανταβά βιβλίος—αλλά εμ ο θέματα σο συνεχίνενα τι νικιόν κι Σκοπιά—ισί εκ δώρος κατά Ιεχωβά σο βοηθίνελα-αμέν τι κεράς αμαρί πίστη πιο ζουρανί. (Ιακ. 1:17) Οτθάρ, για τι βοηθίντιβας μπουτ ανταλέ βιβλιόσταρ, τι προσπαθίνας τι τζας συνέχεια κο συναθροίσεις ντα τι απαντίνας αζόμ αβέλα-πες πιο μπουτ ντα πιο λατσσές όταν κεράσα ι Εκκλησιαστική Γραφική Μελέτη!