Μα Περέν Ανταλέ Παγιδέντε Όταν Κερένα εκ Μελέτη Κατά Γραφή

Τι Κερέν Μπουτ Λάφι: Μα αμντίνεν ότι πρέπει τι εξηγίνεν σαρέ ο πράγματα τουμέν. Ο Ιησούς κερέλας ερωτήσεις για τι βοηθίνελ ι τζενέν τι σκεφτίνεν ντα τι αγαβέν καβά ισί ο σωστός νόημας. (Ματ 17:​24-27) Ο ερωτήσεις κερένα ι μελέτη τι τθερέλ ενδιαφέρον ντα βοηθίνενα-τουμέν τι αγαβέν σο αγαβέλα ντα σο πακιάλα ο τζενό σο κερένα-λες μελέτη. (be σ. 253 ¶2, 3) Όταν κερένα εκ ερώτηση, τι κερέν υπομονή ντα τι μπεσέν τι ασουνέν ι απάντηση. Άμα ο τζενό σο κερένα-λες μελέτη ντινάς λάθος απάντηση, αντίς τι βακερέν λέσκε ι σωστή απάντηση, χρησιμοποιήνεν πιο μπουτ ερωτήσεις για τι βοηθίνεν-λες τι αγαβέλ καγιά ισί η σωστή. (be 238 ¶1, 2) Μα τι κερέν λάφι μπουτ σουγκό, για τι μπορίνελ ο τζενό σο κερένα-λες μελέτη τι αγαβέλ ο νεβέ πράγματα σο βακερένα λέσκε.​—be 230 ¶4.

Τι Κερέν ι Μελέτη Δύσκολη: Μα περέν κι παγίδα τι βακερέν σαρέ οντουλά σο τζανένα ι θεμάσκε. (Ιωα 16:​12) Σικαβέν καβά ισί ο πιο σημαντικός σημείος κι παράγραφος. (be σ. 226 ¶4, 5) Ο λεπτομέρειες, ατζέ-ντα άμα τουμέν μπεϊντίνενα-λεν, μπορεί τι γκεραβέν ο πιο βασικά σημεία. (be σ. 235 ¶3) Όταν ο τζενό σο κερένα-λες μελέτη κα αγαβέλ ο πιο σημαντικός σημείος, τζαν κι γιαβέρ παράγραφος.

Τι Διαβάνεν Σάντε ο Παράγραφοι: Αμαρό στόχος ισί τι τζαν αντρέ κο γκι οντουλά σο βακεράσα ντα όχι τι διαβάνας σάντε ο παράγραφοι. (Λου 24:​32) Για τι χρησιμοποιήνεν ι ζορ σο τθερέλα ο Λάφι ι Ντεβλέσκο, διαβάνεν ο σημαντικά εδάφια σο ισί κο παράγραφοι. (2Κο 10:4· Εβρ 4:​12· be σ. 144 ¶1-3) Τι βακερέν απλά παραδείγματα. (be σ. 245 ¶2-4) Σκεφτίνεν ο προβλήματα σο τθερέλα ο τζενό σο κερένα-λες μελέτη ντα οντουλά σο πακιάλα, ντα κερέν ι μελέτη με τρόπος σο κα βοηθίνελ-λες. Τι κερέν ερωτήσεις σαρ: «Σαρ αισθάντιβεσα ανταλένγκε σο σικλιόσα;» «Σο σικλιαρέλα-αμέν ανταβά ι Ιεχωβάσκε;» «Σαρ κα βοηθίντιβες άμα κα κερές τι ζωγιάτε ανταγιά συμβουλή;»​—be σ. 238 ¶3-5· σ. 259 ¶1.