Σαρ τι Κεράς Λάφι ι Ντεβλέσκε πιο Λατσσές​—Σαρ τι Ντας Μαρτυρία Κατά Τηλέφωνος

ΣΟΣΚΕ ΙΣΙ ΣΗΜΑΝΤΙΚΟΣ: Η μαρτυρία κατά τηλέφωνος ισί εκ μπουτ σημαντικός τρόπος για “τι βακεράς ο λατσσέ αμπέρια καζόμ πιο μπουτ ντα πιο λατσσές αβέλα-πες”. (Πρ 20:​24)a Ντέλα-αμέν ι ευκαιρία τι βακεράς ο λατσσέ αμπέρια εκχέ τζενέσκε κάνα ναστί κεράσα λέσαρ λάφι πασάλ.

ΣΟ ΤΙ ΚΕΡΕΝ:

• 

  Τι προετοιμάντιβεν. Τραμπίνεν εκ λατσσό θέμας. Σοράν γραφίνεν σαρέ οντουλά σο μανγκένα τι βακερέν. Μπορίνενα επίσης τι προετοιμάνεν χάνικ λάφια για τι βακερέν σόσκε λιντέν τηλέφωνος άμα κα νικιόλ ο τηλεφωνητής. Εκ λατσσί ιδέα ισί τι μπεσέν εκχέ τραπεζίστε σο κα τθερέν ανγκλά-τουμέντε οντουλά σο γραφιντέν ή σο γιαβέρ χρειαζίντιβενα, σαρ ισί εκ ηλεκτρονική συσκευή σο τθερέλα ο JW Library^® ή ο jw.org^®

• 

  Τι αβέν ήρεμοι. Τι κερέν λάφι με φυσικός τρόπος. Τι ασάν ντα τι κερέν χειρονομίες, σαρ τι ντικχέλας-τουμέν ο τζενό. Μα τσσιναβέν τουμαρό λάφι άμα να χρειαζίντιβελα. Κάτι σο μπορίνελα τι βοηθίνελ-τουμέν ισί η συνεργασία γιαβερέντζαρ. Άμα ο τζενό κερέλα εκ ερώτηση, βακερέν-λα τουμέν-ντα για τι μπορίνελ ο πφραλ ή η πφεν σο ισί τουμέντζαρ τι ασουνέλ-λα ντα τι βοηθίνελ-τουμέν τι αρακχέν ι απάντηση

• 

  Τι βακερέν χάνικ λάφια για τι μπορίνεν τι κερέν επανεπίσκεψη. Άμα ο τζενό σικαντάς ενδιαφέρον, μπορίνενα τι μουκχέν εκ ερώτηση σο κα ντικχέν-λα ι γιαβέρ φαρ σο κα λεν τηλέφωνος. Μπορίνενα επίσης τι βακερέν τι μπουτσσαβέν λέσκε εκ έντυπος κατά e-mail ή κατά ταχυδρομείος ή τι γκερέν-λες τουμέν λέσκε κχερέστε. Κάτι γιαβέρ σο μπορίνενα τι βακερέν ισί τι μπουτσσαβέν λέσκε αντράλ εκχέ μηνυμάσταρ ή κατά e-mail εκ βίντεος, εκ άρθρος ή κάτι γιαβέρ αμαρέ ιστοτοπόσταρ