Ο Ντεβέλ ντα ο Χριστός κα Ελευθερώνεν-αμέν κο Μέλλον

Σο αγώνας κερέσα τούι κάθε ντιβές; Μήπως ισινάν ο σορό κι φαμιλί ντα τθερέσα τι ντες πέρα μπουτ ευθύνες; Μήπως μπαριαρέσα τι τσσαβέν κορκορό ή κορκορί ντα μαρέσα-τουτ για τι νικαβές-λεν πέρα; Μήπως ισινάν τερνό ντα νταραβένα-τουτ κο σχολείος το συμμαθητές; Μήπως ισινάν νασφαλό ή τθερέσα προβλήματα επειδή πφουρίλιλαν; Ο κάθε εκ τθερέλα πο πρόβλημας. Μπουτ πφραλά νακχένα προβλήματα παλάλ γιαβερέστε. Όμως, τζανάσα ότι ατζεχάνικ κα ελευθερώντιβας ανταλέ προβληματένταρ.​—2Κο 4:​16-18.

Μέχρι τι αβέλ οντουβά ντιβές, λάσα ζορ επειδή τζανάσα ότι ο Ιεχωβά αγαβέλα αμαρό αγώνας, εκτιμίνελα αμαρί αφοσίωση ντα αμαρί υπομονή ντα κα ντελ-αμέν μπουτ σουκάρ ευλογίες. (Ιερ 29:​11, 12) Ο Ιησούς-ντα όμως πφαμπόλα αμένγκε. Καζόμ κεράσα ο ευθύνες σο τθεράσα σαρ Χριστιανοί, βακερέλα αμένγκε: «Ισινόμ τουμέντζαρ». (Ματ 28:​20) Κάνα ντάσα αμαρέ σαατίσταρ για τι σκεφτίνας ι ελευθερία σο κα τθεράς κι Ντεβλέσκι Βασιλεία, κεράσα πιο ζουρανί αμαρί ελπίδα ντα αβάσα πιο αποφασισμέ τι νταϊντίνας ο δοκιμασίες σο τθεράσα ακανά.​—Ρω 8:​19-21.

ΝΤΙΚΧΕΝ Ο ΒΙΝΤΕΟΣ ΚΑΖΟΜ Ο ΜΠΑΡΟ ΝΤΙΒΕΣ ΕΡΕΣΕΛΑ, ΜΑ ΛΕΝ ΤΟΥΜΑΡΕ ΓΙΑΚΧΑ ΚΑΤΑ ΙΗΣΟΥΣ!​—ΠΡΑΓΜΑΤΑ ΣΟ ΚΑ ΑΒΕΝ-ΠΕΣ ΚΙ ΒΑΣΙΛΕΙΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ νασλέ ντουρ ο τζενέ κατά Ντεβέλ, ντα καβά ισινέ ο αποτέλεσμας;

• Σο ευλογίες κα τθερέν οντουλά σο ισί πιστοί κο Ιεχωβά;

• Σαρ κα τθεράς ανταβά σουκάρ μέλλον;

• Καλά ευλογίες μπεσένα τι ντικχέν σαρ σαρ κο νεβό ντουνιάς;