Τι Τραμπίνεν Τουμαρέ Αμαλέν Γκοντιάσαρ

Ανταβά σο αβιλό-πες κο Ισραηλίτες κο τθανά κι Μωαβιτένγκε ισί εκ παράδειγμας ι Χριστιανόνγκε σο σικαβέλα ότι πρέπει τι αρακχαβέν-πες. (1Κο 10:6, 8, 11) Ο Ισραηλίτες σο αρχισάλε τι κερέν παρέα ι τζουβλίντζαρ κατά Μωάβ, σο πακιάνας ψεύτικε ντεβλέντε ντα κερένας λουμνικανέ πράγματα, χουχάντιλε ντα κερντέ μπαρί αμαρτία. Ο αποτελέσματα ισινέ μπουτ μπέτι. (Αρ 25:9) Αμέν αντιβές τζουβντιάσα τζενέντζαρ σο κεράσα λέντζαρ μπουτί, αμαρέ συμμαθητέντζαρ, αμαρέ γειτονέντζαρ, αμαρέ τζενέντζαρ ντα γιαβερέντζαρ σο να πακιάνα κο Ιεχωβά. Σο σικλιάσα ανταλέ ιστοριάταρ κατά Γραφή σο σικαβέλα καζόμ επικίνδυνος ισί τι αβάς αμαλά ασακέ τζενέντζαρ;

ΝΤΙΚΧΕΝ Ο ΒΙΝΤΕΟΣ ΠΑΡΑΔΕΙΓΜΑΤΑ ΣΟ ΣΙΚΛΙΑΡΕΝΑ-ΑΜΕΝ ΑΜΑΡΕ ΝΤΙΒΕΣΕΝΤΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Καλά λάθος πράγματα βακερντέ ο Ζιμβρί ντα γιαβερά κο Ιαμίν;

• 

  Σαρ βοηθιντάς ο Φινεές τον Ιαμίν τι σκεφτίνελ σωστά;

• Σόσκε ισί γιαβέρ τι σικαβάς λατσσέ τρόπους εκχέ τζενέσκε σο νανέ κι αλήθεια ντα γιαβέρ τι αβάς αμαλά εκχέ ασακέ τζενέσαρ;

• Σόσκε πρέπει τι αρακχαβάς-αμέν κάνα τραμπίνασα αμαρέ λατσσέ αμαλέν ατζέ-ντα αντρέ κι κχανγκιρί;

• Σόσκε ισί λατσσό μα τι τσσουβάς-αμέν ομαδέντε κο κοινωνικά δίκτυα για τι κεράς λάφι τζενέντζαρ σο να τζανάσα-λεν;