Ρόντενα ο Απαντήσεις Τουμαρέ Προσευχιέντε;

Η Αγία Γραφή τθερέλα μπουτ προσευχές τζενένγκε σο ο Ιεχωβά απαντιντάς λένγκε. Κάνα ο υπηρέτες ι Ντεβλέσκε ντικχένας ότι ο Ιεχωβά ασουνέλας σο-ντα απασχολίνελας-λεν ντα απαντίνελας λένγκε, λένγκι πίστη σίγουρα ζουράνιβελας. Οτθάρ αμέν-ντα, ισί λατσσό τι αβάς συγκεκριμέ αμαρέ προσευχιέντε ντα τι προσπαθίνας τι ντικχάς ο απαντήσεις ι Ιεχωβάσκε. Μα μπιστρέν ότι λέσκι απάντηση μπορεί μα τι αβέλ οντουβά σο μανγκάσα ή ατζέ-ντα τι αβέλ κάτι πο μπουτ οντουλέσταρ σο μπεκλεντίνασα. (2Κο 12:​7-9· Εφ 3:​20) Σο μπορεί τι ντελ-αμέν ο Ιεχωβά σαρ απάντηση κάνα μανγκάσα λέσταρ κάτι;

• Κα ντελ-αμέν ζορ κο σώμας, ηρεμία ντα κα μπαριαρέλ αμαρί πίστη για τι ντας πέρα εκ πρόβλημας. ​—Φλπ 4:13

• Κα κερέλ-αμέν γκοντιαβέρ για τι λας εκ λατσσί απόφαση.​—Ιακ 1:5

• Κα κερέλ-αμέν εμ τι μανγκάς εμ τι τθεράς ζορ τι κεράς πράγματα.​—Φλπ 2:13

• Κα ντελ-αμέν ηρεμία κάνα τθεράσα ανησυχία. ​—Φλπ 4:6, 7

• Κα ντελ-αμέν βοήθεια ντα ζορ αντράλ κατά γιαβερά.​—1Ιω 3:​17, 18

• Κα ντελ βοήθεια οντουλέντε σο προσευχίντιβασα λένγκε.​—Πρ 12:5, 11

ΝΤΙΚΧΕΝ Ο ΒΙΝΤΕΟΣ Ο ΙΕΧΩΒΑ ΙΣΙ “ΟΝΤΟΥΒΑ ΣΟ ΑΣΟΥΝΕΛΑ ΠΡΟΣΕΥΧΗ” ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ μπορίνελα τι ντελ-αμέν ζορ η ιστορία ι πφραλέσκι Σιμίζου άμα ισινάμ νασφαλέ ντα ναστί κεράσα μπουτ πράγματα;

• Σαρ μπορίνασα τι μοιάζας κο πφραλ Σιμίζου;