10 Τι Αβές Μπεσαλής Τζενό

ΣΟ ΜΑΝΓΚΕΛΑ ΤΙ ΒΑΚΕΡΕΛ

Ο τζενέ σο ισί μπεσαλήδες κερδίνενα ι εμπιστοσύνη πουμαρέ νταντέσκι ντα πουμαρέ νταγιάκι, πουμαρέ αμαλένγκι ντα πουμαρέ αφεντικόνγκι. Ντένα καν κο κανόνες, ατσσικιαρένα πουμαρό λάφι ντα βακερένα πάντα ι αλήθεια.

ΣΟΣΚΕ ΙΣΙ ΣΗΜΑΝΤΙΚΟΣ

Σχεδόν σαρέ κο περιπτώσεις, καζόμ πο μπουτ μπέσα ντένα τούκε ο γιαβερά, αζόμ πο μπουτ ελευθερία τθερέσα.

«Ο πο λατσσό τρόπος για τι ντεν τούκε μπέσα το ντατ ντα τι ντάι ισί τι αβές ώριμος ντα υπεύθυνος τζενό εμ κάνα ισινάν λέντζαρ, εμ κάνα να ισινάν».​—Σαραΐ.

ΑΡΧΗ ΚΑΤΑ ΓΡΑΦΗ: «Τι σικαβέν τουμαρέ νεαυτόσκε σο ισινέν».​—2 Κορινθίους 13:5.

ΣΟ ΜΠΟΡΙΝΕΣΑ ΤΙ ΚΕΡΕΣ

Είτε μανγκέσα τι τθερέν τούκε πο μπουτ εμπιστοσύνη είτε τι κερδίνες ι εμπιστοσύνη σο χασαρντάν, οντουλά σο κα ντικχές πο τελέ κα βοηθίνεν-τουτ.

Τι βακερές ι αλήθεια. Οντουβά σο μπορεί τι κερέλ αμέσως εκχέ τζενές τι τσσιναβέλ τι ντελ τούκε μπέσα ισί ο ψέματα. Οκιά μπάνταρ, κάνα ισινάν τίμιος ντα βακερέσα ι αλήθεια—ειδικά κάνα κερέσα λάθη—ο γιαβερά κα ντεν τούκε μπέσα.

«Ισί εύκολος τι βακερές ι αλήθεια κάνα σαρέ ο πράγματα τζάνα λατσσές. Άμα όμως βακερέσα ι αλήθεια ατζέ-ντα άμα ανταβά μπέκιμ τι κερέλ-τουτ μα τι ντικχίντιβες λατσσό, ο γιαβερά κα ντεν τούκε πο μπουτ μπέσα».​—Κέιμαν.

ΑΡΧΗ ΚΑΤΑ ΓΡΑΦΗ: «Μανγκάσα τι αβάς τίμιοι σαρέ κο πράγματα».​—Εβραίους 13:18.

Τι αβές υπεύθυνος τζενό. Εκ κατά πο σημαντικά πράγματα σο ντικχέλα εκ αφεντικός εκχέ τζενέστε για τι λελ-λες κι μπουτί, ισί τι αβέλ υπεύθυνος. Άμα σικλιλάν από ακανά τι αβές υπεύθυνος τζενό, ανταβά κα βοηθίνελ-τουτ μπουτ κάνα κα μπαριός.

«Μο ντατ ντα μι ντάι ντικχένα-λες κάνα ισινόμ υπεύθυνη τζενί ντα κεράβα μπουτιά κο κχερ χωρίς τι βακερέν-λες μάνγκε συνέχεια. Καζόμ πο μπουτ κεράβα-λες ανταβά, αζόμ πο μπουτ μπέσα ντένα μάνγκε».​—Σάρα.

ΑΡΧΗ ΚΑΤΑ ΓΡΑΦΗ: «Ισινόμ σίγουρος ότι κα συνεργαζίντιβες, . . . επειδή τζανάβα ότι κα κερές πο μπουτ ανταλένταρ σο βακεράβα τούκε».​—Φιλήμονα 21.

Τι τθερές υπομονή. Ενώ ισί εύκολος τι ντικχέν ο γιαβερά ότι βουτσσιλάν ντα ότι αβιλάν πο ζουρανό, ισί πο δύσκολος ντα μανγκέλα πο μπουτ χρόνος για τι αγαντίντιβελ ότι αβιλάν ώριμος ντα υπεύθυνος τζενό. Άκ’ σόσκε ισί σημαντικός τι τθερές υπομονή.

«Για τι ντεν τούκε μπέσα το ντατ ντα τι ντάι ή ο γιαβερά, χρειαζίντιβελα χρόνος ντα προσπάθεια. Να αβέλα-πες τι μπεκλεντίνες κατά γιαβερά τι ντεν τούκε μπέσα επειδή σικαντάν ότι ισινάνας υπεύθυνος τζενό σάντε εκ φαρ».​—Μπράντον.

ΑΡΧΗ ΚΑΤΑ ΓΡΑΦΗ: «Τθερένα ανάγκη ι υπομονή».​—Εβραίους 10:36.