Όταν Ασουντέ ι Μπενγκές, Καβά Ισινέ ο Αποτέλεσμας;

Ο Αδάμ ντα ι Εύα να ασουντέ ι Ντεβλές ντα μουλέ. Γένεση 3:6, 23

Ι Εύα ασουντάς ι σαπές ντα χαλάς κατάρ δέντρος. Σοράν, ντινάς κο Αδάμ ντα χαλάς βοβ ντα.

Οντουβά σο κερντέ ισινέ λάθος​—ισινέ αμαρτία. Ο Ντεβέλ νασκιαρντάς-λεν λέγκε κχερέσταρ, σο ισινέ ο Παράδεισος.

Ι ζωή ισινέ δύσκολη λέγκε ντα λέγκε τσαβέγκε αβρί κατάρ Παράδεισος. Πφουρίλιλε ντα μουλέ. Να γκιλέ γιαβερέ ντουνιάστε. Να υπαρχίντιβενα πουθενά.

Ο μουλέ να τθερένα ψυχή. Ισί σαρ ο πράχος. Γένεση 3:19

Αμέν μεράσα, σόσκε σαρέ αβιλάμ κατάρ Αδάμ ντα κατάρ Εύα. Ο μουλέ να μπορίνενα τι ντικχέν, τι ασουνέν ή τι κερέν τίποτα.​—Εκκλησιαστής 9:5, 10.

Ο Ιεχωβά να μαγκέλας τι μερέν ο τζενέ. Ατζέ χάνικ ντα κα ανέλ κι ζωή οντουλέν σο σοβένα κο μεριπέ. Άμα κα ασουνέν-λες, να κα μερέν ιτς.