Ο Μπαρό Κατακλυσμός ​—Καλά Τζενέ Ασουντέ ντα Καλά να Ασουντέ

Ο πο μπουτ τζενέ αζομάν κο Νώε κερένας γκεραλέ πράγματα. Γένεση 6:5

Ο Αδάμ ντα ι Εύα κερντέ τσαβέν, ντα ο τζενέ αβιλέ μπουτ κι πφουβ. Σοράν, αβιλέ γιαβερά ντα άγγελοι σο τζάνας κόντρα κο Ντεβέλ σαρ ο Μπενγκ.

Γουλίστιλε κι πφουβ ντα λιντέ σώματα μουρσικανέ για τι παντρίνεν τζουβλιέν. Ο τζουβλιά μπιαντέ μουρσέν σο να ισινέ σαρ αμέντε, αλλά ισινέ μπουτ βουτσέ, ντεμπελιάδες ντα ζουρανέ.

Ο ντουνιάς πφερντιλό τζενέ σο κερένας γκεραλέ πράγματα. Ι Αγία Γραφή βακερέλα ότι ο τζενέ ισινέ μπουτ κακοί. Τθερένας πουμαρέν γκοντιάτε σαρ τι κερέν ο κακός σαρό ο ντιβές.

Ο Νώε ασουντάς ι Ντεβλές ντα κερντάς εκ μπαρό καράβι​—ι κιβωτός. Γένεση 6:​13, 14, 18, 19, 22

Ο Νώε ισινέ λατσό τζενό. Ο Ιεχωβά βακερντάς λέσκε σο κανέλας εκ μπαρό κατακλυσμός ντα κα μερένας σαρέ ο πφιρνέ τζενέ.

Πάλε ο Ντεβέλ βακερντάς λέσκε τι κερέλ εκ μπουτ μπαρό καράβι, σο βακέρντιβελας κιβωτός, ντα τι τσουβέλ αντρέ σαρί πι φαμιλί ντα σαρέ ο είδη κατάρ ζώα.

Ο Νώε βακερέλας κο τζενέ σο κα αβέλας ο κατακλυσμός, αλλά βον να ασουνένας. Μπουτ τζενέ πρασάνας-λες. Γιαβερά να χονίνενας-λες.

Όταν τελιοντάς ι κιβωτός, ο Νώε τσουντάς αντρέ ο ζώα.