Κατάρ Αρακχάσα ο Λοβέ ντα Κεράσα Αζόμ Μπουτ Πράγματα;

Ο Μάρτυρες του Ιεχωβά νικαβένα ντα ντένα εκατομμύρια Γραφές, βιβλία ντα περιοδικά κάθε μπρες χωρίς τι μανγκέν λοβέ. Λατσσαράσα, δηλαδή κεράσα ντα περιποιήνασα Αίθουσες Βασιλείας ντα γραφεία τμήματος. Ντάσα βοήθεια σε χιλιάδες Μπεθελίτες, ιεραποστόλους ντα κο πφραλά σο νακχένα καταστροφές. Μπορεί τι σκεφτίνεν: “Κατάρ αρακχένα ο λοβέ;”

Να κα μανγκάς τουμένταρ λοβέ. Παρόλο σο χρειαζίντιβενα αζόμ λοβέ για τι κεράς σαρέ ανταλά πράγματα ντα τι ασουνέν ο τζενέ ι Ντεβλέσκε, να μανγκάσα τουμένταρ λοβέ. Πριν από εκατό ντα πιο μπουτ μπρεσά, η δεύτερη Σκοπιά σο νικίστιλι βακερντάας: “Πακιάσα ότι ο Ιεχωβά βοηθίνελα-αμέν, οτθάρ να κα χρειαζίντιβελ ποτές τι μανγκάς ούτε τι μολίνας τι βοηθίνεν-αμέν ο τζενέ”​—ντα ποτές να κερντάμ-λες ανταβά!​—Ματθαίος 10:8.

Κον μπορίνελα ντα μανγκέλα ντέλα λοβέ για τι αβέν-πες σαρέ ανταλά πράγματα. Επειδή μπουτ τζενέ ντικχένα ότι ο λατσσέ αμπέρια σο βακεράσα βοηθίνενα ι γιαβερέν, οτθάρ ντένα αζόμ μπορίνενα πουμαρέ λοβένταρ για τι συνεχίνας τι κεράς-λες. Ο Μάρτυρες του Ιεχωβά ντένα αντράλ πουμαρέ γκίσταρ ο πιο λατσσό σο μπορίνενα​—ντένα πουμαρέ σαατίσταρ ντα πουμαρέ λοβένταρ για τι κερέν οντουβά σο μανγκέλα ο Ντεβέλ σαρί κι πφουβ. (1 Χρονικών 29:9) Κον μανγκέλα μπορίνελα τι τσσουβέλ λοβέ κο κουτιά σο ισί κο συναθροίσεις ντα κο συνελεύσεις. Ή μπορίνελα τι κερέλ-λες ανταβά κο ιστότοπος αμαρό, jw.org. Ο πιο μπουτ λοβέ σο ντιντιόνα ισί τζενένταρ σο να τθερένα βον-ντα μπουτ λοβέ, σαρ οντιά χήρα σο βακερντάας λάκε μπουτ σουκάρ λάφια ο Ιησούς, επειδή τθερέλας σάντε ντούι λεπτά ντα τσσουντάς-λεν κο κουτίς. (Λουκάς 21:​1-4) Οτθάρ, ο κάθε εκ τζενό πρέπει τι κερέλ πο κουμάντος τι τσσουβέλ «κάτι κι νάκρη» για τι ντελ «οντουβά σο μανγκέλα αντράλ πι γκίσταρ».​—1 Κορινθίους 16:2· 2 Κορινθίους 9:7.

Ισινάμ σίγουροι ότι ο Ιεχωβά συνέχεια κα κερέλ ι λατσσέ τζενέν τι μανγκέν τι ντεν πουμαρέ γκίσταρ πράγματα για τι βακέρντιβεν ο λατσσέ αμπέρια ι Ντεβλέσκε ντα τι αβέλ οντουβά σο μανγκέλα Βοβ.​—Παροιμίες 3:9.

• Σαρ ξεχωρίνενα ο Μάρτυρες του Ιεχωβά κατά γιαβερά θρησκείες;

• Σο κεράσα οντουλέ λοβέντζαρ σο ντένα ο τζενέ αντράλ πουμαρέ γκίσταρ;