Σόσκε ο Ντεβέλ Μουκχέλα τι Αβέλ ο Κακός ντα ο Προβλήματα;

1. Σαρ αρχισάλο ο κακός;

Ο κακός αρχισάλο κι πφουβ όταν ο Σατανάς βακερντάς ο πρώτος ψέμας. Κι αρχή βοβ ισινέ εκ τέλειος άγγελος, αλλά μετά «να ατσσιλό σταθερός κι αλήθεια». (Ιωάννης 8:44) Μανγκέλας τι πακιάν λέστε ντα όχι οντουλέστε σο πρέπει τι πακιάν σαρέ, κο Ντεβέλ. Ο Σατανάς χουχαντάς ι πρώτε τζουβλιά, ι Ευά, ντα κερντάς-λα τι ασουνέλ λες ντα όχι ι Ντεβλές. Ο Αδάμ ακολουθιντάς-λα ντα ούτε βοβ ασουντάς ι Ντεβλές. Η απόφαση λέσκι αντάς ο προβλήματα ντα ο μεριπέ.​—Διαβάνεν Γένεση 3:1-6, 19.

Όταν ο Σατανάς κερντάς ι Ευά μα τι ασουνέλ ι Ντεβλές, αζομάν αρχισάλο τι τζαλ κόντρα κι κυριαρχία ι Ιεχωβάσκι, δηλαδή κο δικαίωμας σο τθερέλα ο Ιεχωβά τι κυβερνίνελ σαρ ο πιο μπαρό. Ο πιο μπουτ τζενέ αντιβές ακολουθίνενα ι Μπενγκές ντα να μανγκένα τι ασουνέν ι Ντεβλές. Οτθάρ, ο Σατανάς αβιλό ο «άρχοντας ι ντουνιάσκο».​—Διαβάνεν Ιωάννης 14:30· 1 Ιωάννη 5:19.

2. Όταν ο Ντεβέλ κερντάας σαρέ ο πράγματα, μήπως κερντάς καέκ λάθος;

Σαρέ οντουλά σο κερντάς ο Ντεβέλ ισί τέλεια. Ο Ιεχωβά κερντάς ι τζενέν ντα ι αγγελόν τι μπορίνεν τι ασουνέν-λες πάντα. (Δευτερονόμιο 32:4, 5) Ντινάς-αμέν ι ελευθερία τι τραμπίνας αν κα κεράς ο λατσσό ή ο κακός. Ανταγιά ελευθερία ντέλα-αμέν ι ευκαιρία τι σικαβάς αμαρί αγάπη κο Ντεβέλ.​—Διαβάνεν Ιακώβου 1:13-15· 1 Ιωάννη 5:3.

3. Σόσκε μουκχέλα ο Ντεβέλ ο προβλήματα μέχρι ακανά;

Ο Ιεχωβά μουκχλάς για χάνικ ι τζενέν τι τζαν κόντρα κο δικαίωμας σο τθερέλα τι κυβερνίνελ. Σόσκε; Για τι σικαβέλ ότι καέκ κυβέρνηση να βοηθίνελα ι τζενέν άμα να τθερέλα ι βοήθεια ι Ντεβλέσκι. (Εκκλησιαστής 7:29· 8:9) Μετά από 6.000 μπρεσά, ισινάμ σίγουροι ότι ο τζενέ σο κυβερνίνενα ο ντουνιάς να μπορισάλε τι εξαφανίνεν ο τζένγκια, δηλαδή ο πόλεμοι, ο μουνταρίματα, ι αδικία ή ο νασφαλίματα δηλαδή ο πασλίματα.​—Διαβάνεν Ιερεμίας 10:23· Ρωμαίους 9:17.

Η κυβέρνηση ι Ντεβλέσκι κα κερέλ οντουβά σο να μπορίνελα τι κερέλ καέκ γιαβέρ κυβέρνηση. Κα βοηθίνελ σαρέ οντουλέν σο δεχτίνενα-λα. (Ησαΐας 48:17, 18) Ατζεχάνικ, ο Ντεβέλ κα εξαφανίνελ ι τζενένγκε κυβερνήσεις. Μόνο οντουλά σο μανγκένα ι Ντεβλέσκι κυβέρνηση κα τζουβντιόν κι πφουβ.​—Ησαΐας 11:9.​—Διαβάνεν Δανιήλ 2:44.

Ντικχ ο βίντεος Σόσκε Μουκχέλα ο Ντεβέλ ο Βάσανα;

4. Σο ντέλα-αμέν ι ευκαιρία τι κεράς η υπομονή ι Ντεβλέσκι;

Ο Σατανάς βακερντάς ότι καέκ τζενό να ασουνέλα ι Ντεβλές επειδή μανγκέλα-λες. Τουμέν μανγκένα τι σικαβέν ότι ανταβά ισί ψέμας; Μπορίνενα τι κερέν-λες ανταβά! Η υπομονή ι Ντεβλέσκι ντέλα-αμέν ι ευκαιρία τι σικαβάς με το τρόπος σο τζουβντιάσα ότι μανγκάσα ι κυβέρνηση ι Ντεβλέσκι ντα όχι ι τζενένγκε κυβερνήσεις.​—Διαβάνεν Ιώβ 1:8-12· Παροιμίες 27:11.

5. Σαρ σικαβάσα ότι ο Ντεβέλ ισί αμαρό Άρχοντας;

Σικαβάσα ότι ο Ιεχωβά ισί αμαρό Άρχοντας όταν ρόντασα κι Αγία Γραφή ντα ντικχάσα σαρ μανγκέλα ο Ντεβέλ τι πακιάς-λες ντα όταν κεράσα οντουβά σο βακερέλα. (Ιωάννης 4:23) Επίσης, σαρ κερέλας ο Ιησούς, αμέν-ντα να ανακατούντιβασα κι πολιτική ντα κο τζένγκια. Αντικάς, σικαβάσα ότι να μανγκάσα τι αβέλ ο Σατανάς αμαρό άρχοντας.​—Διαβάνεν Ιωάννης 17:14.

Ο Σατανάς χρησιμοποιήνελα πι ζορ για τι κερέν ο τζενέ γκεραλέ ντα μπέτι πράγματα. Όταν αμέν να κεράσα-λεν, αμαρέ φίλοι ντα αμαρέ τζενέ μπορεί τι πρασάν-αμέν ή τι τζαν αμέντζαρ κόντρα. (1 Πέτρου 4:3, 4) Πρέπει, λοιπόν, τι λας εκ απόφαση. Κα κεράς παρέα τζενέντζαρ σο μαγκένα ι Ντεβλές; Κα ασουνάς κο σοφούς νόμους σο ισί αμαρέ λατσσιμάσκε; Άμα κα κεράς-λεν ανταλά, σικαβάσα ότι ο Σατανάς ισί ψεύτης σο βακερντάας ότι καέκ τζενό να κα ασουνέλ ι Ντεβλές όταν τθερέλα προβλήματα.​—Διαβάνεν 1 Κορινθίους 6:9, 10· 15:33.

Επειδή ο Ντεβέλ μανγκέλα μπουτ ι τζενέν, ισινάμ σίγουροι ότι ο κακός ντα ο προβλήματα κα εξαφανίντιβεν. Ο τζενέ σο πακιάνα-λες ανταβά κα τθερέν εκ λατσσί ζωή ατθέ κι πφουβ για πάντα.​—Διαβάνεν Ιωάννης 3:16.