Σαρ κα Αγαβέν Καγιά Ισί η Αληθινή Θρησκεία;

1. Υπαρχίντιβελα μόνο εκ αληθινή θρησκεία;

Ο Ιησούς σικλιαρντάς πι μαθητέν μόνο εκ θρησκεία, ι αληθινή. Ανταγιά θρησκεία ισί σαρ εκ ντρομ σο οδηγίνελα σε εκ ζωή σο κα τζουβντιόν για πάντα. Βακερντάς: “Χάνικ ισί οντουλά σο αρακχένα ανταβά ντρομ”. (Ματθαίος 7:14) Ο Ντεβέλ μανγκέλα τι σικαβάς αμαρί πίστη μόνο σαρ βακερέλα η Αγία Γραφή. Σαρέ ο τζενέ σο ισί κι αληθινή θρησκεία πακιάνα μαζί ι Ντεβλές.​—Διαβάνεν Ιωάννης 4:23, 24· 14:6· Εφεσίους 4:4, 5.

Ντικχ ο βίντεος Δεχτίνελα ο Ντεβέλ Σαρέ ο Τρόποι σο Ντένα-λες Λατρεία ο Θρησκείες;

2. Σο βακερντάς ο Ιησούς οντουλένγκε σο ισί ψεύτικοι Χριστιανοί;

Ο Ιησούς βακερντάας ότι κα αβένας ψεύτικοι προφήτες σο κα χαλαβένας ι αληθινή θρησκεία. Κερένας-πες ότι ισί αληθινοί Χριστιανοί ντα βακερένα ότι λένγκε κχανγκιριά ισί Χριστιανικές. Αλλά σαρ μπορίνενα τι αγαβέν κον ισί μπαγιά; Μπορίνενα τι αγαβέν-λεν επειδή μόνο η αληθινή θρησκεία τθερέλα γνήσιους Χριστιανούς σο τθερένα λατσσέ ιδιότητες ντα κερένα λατσσέ πράγματα.​—Διαβάνεν Ματθαίος 7:13-23.

3. Σαρ κα αγαβέν κον ισί ο αληθινοί Χριστανοί;

Ντικχέν πιο τελέ παντς πράγματα σο τθερένα:

• Ο αληθινοί Χριστιανοί πακιάνα ότι κι Αγία Γραφή ισί ο λάφια ι Ντεβλέσκε. Προσπαθίνενα τι τζουβντιόν σαρ βακερέλα η Αγία Γραφή. Επίσης, η αληθινή θρησκεία να βασίντιβελα σε τζενένγκε ιδέες. (Ματθαίος 15:7-9) Ο αληθινοί Χριστιανοί κερένα πρώτα βον οντουβά σο σικλιαρένα ι γιαβερέ τζενέν.​—Διαβάνεν Ιωάννης 17:17· 2 Τιμόθεο 3:16, 17.

• 

  Ο τζενέ σο ακολουθίνενα ι Χριστός δοξάνενα ι Ντεβλέσκο ναβ, Ιεχωβά. Ο Ιησούς δοξάνελας ι Ντεβλέσκο ναβ ντα οτθάρ βακερέλας-λες παντού. Βοηθίνελας ι τζενέν τι γνωρίνεν-λες ντα σικλιαρέλας-λεν τι προσευχίντιβεν για τι αγιάντιβελ ι Ντεβλέσκο ναβ. (Ματθαίος 6:9) Οτθέ σο μπεσένα, καγιά θρησκεία βακερέλα ι Ντεβλέσκο ναβ;​—Διαβάνεν Ιωάννης 17:26· Ρωμαίους 10:13, 14.

• Ο αληθινοί Χριστιανοί κερένα λάφι για τη Βασιλεία ι Ντεβλέσκι. Ο Ντεβέλ μπουτσσαντάς ι Ιησούς για τι βακερέλ ο λατσσέ αμπέρια ότι η Βασιλεία ι Ντεβλέσκι ισί η μόνη ελπίδα ι τζενένγκε. Ο Ιησούς συνεχίνελας τι κερέλ λάφι ι Βασιλειάκε μέχρι οντουβά ντιβές σο μουλό. (Λουκάς 4:43· 8:1· 23:42, 43) Βακερντάς ότι ο τζενέ σο ακολουθίνενας-λες κα κερένας βον-ντα λάφι για τη Βασιλεία ι Ντεβλέσκι. Άμα κα αβέλ εκ τζενό ντα κα κερέλ τουμένγκε λάφι ι Βασιλειάκε, καλέ θρησκειάταρ πακιάνα ότι ισί;​—Διαβάνεν Ματθαίος 24:14.

• Κον ακολουθίνελα ι Ιησούς να κερέλα ο πράγματα σο κερέλα ανταβά πφιρνό ντουνιάς. Κα αγαβέν-λεν επειδή να ανακατούντιβενα κι πολιτική ντα κο φασαρίες κι ντουνιάσκε. (Ιωάννης 17:16· 18:36) Επίσης, να κερένα μπέτι πράγματα, ούτε σκεφτίνενα σαρ σκεφτίνελα ανταβά πφιρνό ντουνιάς.​—Διαβάνεν Ιακώβου 4:4.

• Ο αληθινοί Χριστιανοί μανγκένα μπουτ ο εκ ι γιαβερές. Κατά Αγία Γραφή, σικλιόνα τι σεβάνεν τζενέν σαρέ κατά τθεμά. Ο ψεύτικες θρησκείες μπουτ φαρ υποστηρίνενα ο τζένγκια, δηλαδή ο πόλεμοι, ενώ ο αληθινοί Χρστιανοί ποτές να κερένα-λες ανταβά. (Μιχαίας 4:1-3) Αλλά ο αληθινοί Χριστιανοί χρησιμοποιήνενα πουμαρό χρόνος ντα πουμαρέ δυνάμεις για τι βοηθίνεν ι γιαβερέν χωρίς τι κερδίνεν τίποτα.​—Διαβάνεν Ιωάννης 13:34, 35· 1 Ιωάννη 4:20.

4. Μπορίνενα τι αγαβέν καγιά ισί η αληθινή θρησκεία;

Καγιά θρησκεία βασίνελα σαρέ πο λάφια κι Αγία Γραφή, δοξάνελα ι Ντεβλέσκο ναβ ντα βακερέλα ότι η Βασιλεία ι Ντεβλέσκι ισί η μόνη ελπίδα ι τζενένγκι; Καγιά θρησκεία σικαβέλα αγάπη με πράξεις ντα να μανγκέλα ο τζένγκια; Τουμέν σο βακερένα;​—Διαβάνεν 1 Ιωάννη 3:10-12.