Μπορίνενα τι Τζουβντιόν Πάλι ο Μουλέ;
Σο κα απαντίνενας;
βα;
όχι;
μπορεί;
ΣΟ ΒΑΚΕΡΕΛΑ Η ΑΓΙΑ ΓΡΑΦΗ
«Κα αναστίντιβεν [σίγουρα ο μουλέ]».—Πράξεις 24:15, Μετάφραση Νέου Κόσμου.
ΣΟ ΜΑΝΓΚΕΛΑ ΤΙ ΒΑΚΕΡΕΛ ΑΝΤΑΒΑ ΤΟΥΜΕΝΓΚΕ
Μπορίνενα τι λεν παρηγοριά όταν μερένα τουμαρέ αγαπημέ τζενέ.—2 Κορινθίους 1:3, 4.
Κα νασκιαρέλ ανταγιά νταρ σο τθερένα ι μεριμάσκε.—Εβραίους 2:15.
Κα ντελ-τουμέν ελπίδα τι ντικχέν πάλι τουμαρέ αγαπημέ τζενέν σο μουλέ.—Ιωάννης 5:28, 29.
ΜΠΟΡΙΝΑΣΑ ΤΙ ΠΑΚΙΑΣ ΟΝΤΟΥΛΑ ΣΟ ΒΑΚΕΡΕΛΑ Η ΑΓΙΑ ΓΡΑΦΗ;
Βα, για μπουτ λόγους, αλλά αμέν κα ντικχάς τριν ντανέ:
Ο Ντεβέλ ισί οντουβά σο κερντάς ι ζωή. Η Αγία Γραφή βακερέλα ότι ο Ντεβέλ, ο Ιεχωβά, ισί οντουβά «σο ντέλα ι ζωή». (Ψαλμός 36:9· Πράξεις 17:24, 25) Οντουβά σο ντέλα ζωή σαρέ κο πράγματα σο τζουβντιόνα μπορίνελα σίγουρα τι ανέλ πάλι κι ζωή εκ τζενές σο μουλό.
Ο Ντεβέλ, κο πουρανέ μπρεσά, αναστιντάς γιαβερέ-ντα τζενέν. Η Αγία Γραφή κερέλα λάφι οχτώ τζενένγκε σο, αφού μουλέ, τζουβντιλέ πάλι ατθέ κι πφουβ. Οντουλά τζενέ ισινέ εμ χουρντέ εμ πφουρέ, εμ μουρσά εμ τζουβλιά. Ανταλέ τζενένταρ, κάποιοι ισινέ χάνικα σαάτια μουλέ, αλλά εκ τζενό ατσσιλό κο μεζάρι σταρ ντιβεσά!—Ιωάννης 11:39-44.
Ο Ντεβέλ τθερέλα λαχτάρα τι κερέλ-λες πάλι ανταβά. Ο Ιεχωβά μισίνελα ο μεριπέ. Ο μεριπέ ισί ντουσμάνι ι Ντεβλέσκε. (1 Κορινθίους 15:26) Τθερέλα «λαχτάρα» τι νικίνελ ανταλέ εχθρός—κα ανέλ ι ανάσταση ντα αντικάς κα χασάρντιβελ ο μεριπέ. Ο Ντεβέλ μανγκέλα μπουτ τι αναστίνελ οντουλέν σο τθερέλα πι γκοντιάτε ντα τι ντικχέλ-λεν τι τζουβντιόν πάλι κι πφουβ. —Ιώβ 14:14, 15.
ΣΚΕΦΤΙΝΕΝ
Σόσκε πφουρίλιβασα ντα μεράσα;
Η Γραφή ντέλα ι απάντηση κο εδάφια ΓΕΝΕΣΗ 3:17-19 ντα ΡΩΜΑΙΟΥΣ 5:12.