ΑΡΧΙΝΕΝ ΕΚ ΣΥΖΗΤΗΣΗ
ΜΑΘΗΜΑΣ 6
Τθερέν Θάρρος
Εδάφιος: «Αμαρό Ντεβέλ ντινάς-αμέν θάρρος τι βακεράς τουμένγκε ο λατσσέ αμπέρια».—1 Θεσ. 2:2.
Σο Κερντάς ο Ιησούς
1. Ντικχέν ο ΒΙΝΤΕΟΣ ή διαβάνεν Λουκάς 19:1-7. Σοράν σκεφτίνεν ο ερωτήσεις:
α. Σόσκε μπέκιμ μερικά τζενέ να κερένας παρέα με τον Ζακχαίο;
β. Σο τσσιντιντάς όμως ι Ιησούς τι βακερέλ λέσκε ο λατσσέ αμπέρια;
Σο Σικλιάσα Κατά Ιησούς;
2. Χρειαζίντιβασα θάρρος για τι βακεράς ο λατσσέ αμπέρια ι Βασιλειάκε σαριλέντε, χωρίς τι ξεχωρίνας καεκχές.
Μοιάζεν κο Ιησούς
3. Τι στηρίντιβεν κο Ιεχωβά. Ο πνεύμας ι Ντεβλέσκο ντέλας κο Ιησούς ι ζορ τι βακερέλ ο λατσσέ αμπέρια. Μπορίνελα τι κερέλ ο ίδιος τουμένγκε-ντα. (Ματθ. 10:19, 20· Λουκ. 4:18) Μανγκέν κατά Ιεχωβά τι κερέλ-τουμέν μπίνταρανε για τι κερέν λάφι κο τζενέ σο ανένα τουμένγκε νταρ.—Πράξεις 4:29.
4. Μα σιγκιαρέν τι νικαβέν συμπέρασμας πριν τι κερέν λάφι ι τζενέντζαρ. Μπέκιμ σακιντίνασα τι κεράς λάφι μερικέ τζενέντζαρ ιτιρί κατά εμφάνιση λένγκι, κατά ναβ σο τθερένα κι κοινωνία, λένγκε λοβένταρ, κατά τρόπος σο τζουβντιόνα ή οντουλένταρ σο πακιάνα. Αλλά ντεν-τουμέν γκοντί:
α. Ο Ιεχωβά ντα ο Ιησούς μπορίνενα τι διαβάνεν ο γκι. Αμέν να μπορίνασα.
β. Δεν πρέπει τι πακιάς ότι εκ τζενό να αβέλα-πες τι συγχωρίντιβελ κατά Ιεχωβά.
5. Τι τθερέν θάρρος, αλλά εμ τι σικαβέν σεβασμός ντα τι αβέν προσεκτικοί. (Ματθ. 10:16) Μα χαν-τουμέν λαφίντζαρ ι τζενέντζαρ. Σταματίνεν σουκάρ τροπόσαρ ι συζήτηση άμα ο τζενό να μανγκέλα τι ασουνέλ ο λατσσέ αμπέρια ή άμα νιωθίνενα ότι υπαρχίντιβελα κίνδυνος.—Παρ. 17:14.