Τι Αβέν Ξεκάθαροι

Σο Κερντάς ο Ιησούς

ΒΙΝΤΕΟΣ: Ο Ιησούς Ντέλα Συμβουλή Εκχέ Χουλανέ Τερνέ Αρχοντάστε

1. Ντικχέν ο ΒΙΝΤΕΟΣ ή διαβάνεν Μάρκος 10:​17⁠-22. Σοράν σκεφτίνεν ο ερωτήσεις:

1. α. Καλά λατσσέ ιδιότητες μπέκιμ ντικχλάς ο Ιησούς κο τερνό άρχοντας;

2. β. Σόσκε έπρεπε ο Ιησούς εμ τι σικαβέλ αγάπη εμ τι κερέλ λάφι ξεκάθαρα για τι ντελ συμβουλή ανταλέ μουρσέστε;

Σο Σικλιάσα Κατά Ιησούς;

2. Για τι βοηθίνας αμαρέ μελέτες τι κερέν πρόοδος, χρειαζίντιβελα τι κεράς λέντζαρ λάφι μανγκιμάσαρ αλλά εμ τι βακεράς λένγκε ο πράγματα σαρ ισί.

Μοιάζεν κο Ιησούς

3. Βοηθίνεν ι τζενές τι τσσουβέλ στόχους ντα τι κερέλ-λεν.

1. α. Τι χρησιμοποιήνεν ο «Σο Μανγκάβα τι Κεράβ» σο ισί κο κάθε μάθημας κο έντυπος Μπουτ Σουκάρ Ζωή για Πάντα!

2. β. Τι βοηθίνεν ι τζενές τι αγαβέλ καλά συγκεκριμέ πράγματα πρέπει τι κερέλ για τι πετυχίνελ εμ ο στόχοι σο να χρειαζίντιβενα μπουτ σαάτι, αλλά εμ οντουλά σο χρειαζίντιβενα πο μπουτ.

3. γ. Τι ισαρέν μπουτ φαρ ι τζενές για την πρόοδος σο κερέλα.

4. Αρακχέν καλά εμπόδια τσσιναβένα ι πρόοδος ι τζενέσκι ντα βοηθίνεν-λες τι νακχαβέλ-λεν.

1. α. Σκεφτίνεν:

   • “Άμα ο τζενό να κερέλα πρόοδος για τι μπολντιόλ, σο τσσιναβέλα-λες;”

   • “Καλά πράγματα μπορίναβα τι κεράβ για τι βοηθίναβ-λες;”

2. β. Μανγκέν κατά Ιεχωβά τι βοηθίνελ-τουμέν τι κερέν λάφι ξεκάθαρα ντα μανγκιμάσαρ καζόμ εξηγίνενα ι τζενέσκε σο χρειαζίντιβελα τι κερέλ.

5. Σταματίνεν ο μελέτες σο να κερένα πρόοδος.

1. α. Για τι αγαβέν άμα εκ μελέτη κερέλα πρόοδος, σκεφτίνεν:

   • “Κερέλα πι ζωγιάτε ο τζενό οντουλά σο σικλιόλα;”

   • “Τζάλα κο συναθροίσεις ντα κερέλα λάφι κο γιαβερά ι Ντεβλέσκε;”

   • “Άμα κερέλα μελέτη μπουτ βακίτι, μανγκέλα τι αβέλ Μάρτυρας ι Ιεχωβάσκο;”

2. β. Άμα ο τζενό να μανγκέλα τι κερέλ πρόοδος:

   • Βακερέν λέσκε τι σκεφτίνελ σο ατσσικιαρέλα-λες παλάλ.

   • Εξηγίνεν λέσκε, χωρίς τι ανέν-λες σε δύσκολη θέση, σόσκε κα τσσιναβέν τι κερέν-λες μελέτη.

   • Βακερέν λέσκε σο πρέπει τι κερέλ για τι αρχίνεν πάλι ι μελέτη.