Τζανένας-λες;

Καγιά ισινέ η μπουτί ι υπηρετίσκι σο ισινέ υπεύθυνος κο κχερ κο πουρανέ μπρεσά;

ΚΟ ΠΟΥΡΑΝΕ μπρεσά εκ υπηρέτης σο ισινέ υπεύθυνος κο κχερ κερέλας κουμάντος κο κχερ ή κο πράγματα εκχέ γιαβερέ τζενέσκε. Ο λάφια κατά εβραϊκή ντα κατά μπαλαμανί τσσιπ σο μανγκένα τι βακερέν «υπηρέτης σο ισινέ υπεύθυνος κο κχερ» μπορεί τι βακέρντιβενα οντουλέσκε σο ντικχέλα ι κχερέσκε ή οντουλέσκε σο τσσουντέ για τι κερέλ κουμάντος κο κχερ.

Κάνα ο Ιωσήφ, εκ κατά τσσαβέ σο τθερέλας ο Ιακώβ, ισινέ δούλος κι Αίγυπτος, αβιλό υπηρέτης σο ισινέ υπεύθυνος κο κχερ πι κυριόσκο. Ο κύριος λέσκο σο ισινέ Αιγύπτιος «μουκχλάς κι Ιωσηφίσκε βαστά σο-ντα τθερέλας». (Γέν. 39:​2-6) Σοράν, κάνα ο Ιωσήφ αβιλό ζουρανό άρχοντας κι Αίγυπτος, τσσουντάς βοβ-ντα εκχέ υπηρετής πι κχερέστε.​—Γέν. 44:4.

Κο μπρεσά κι Ιησούσκε, μπουτ φαρ ο τζενέ σο τθερένας χωράφια μπεσένας κο πόλεις ντουρ λένταρ. Οτθάρ, τσσουβένας ασακέ υπηρετόν τι ντικχέν σαρ αβέλας-πες η μπουτί οντουλέ χωραφίντε.

Κον μπορίνελας τι αβέλ υπηρέτης σο ισινέ υπεύθυνος κο κχερ; Αζομάν σο τζουβντιόνας ο απόστολοι, ο Ρωμαίος συγγραφέας Κολουμέλας βακερντάς ότι εκ δούλος σο αβέλας εκ ασακό υπηρέτης έπρεπε τι αβέλ εκ τζενό σο σικλιλόας τι κερέλ λατσσές ι μπουτί. Έπρεπε τι τθερέλας πι γκοντιάτε σαρ κερένας μπουτί ο εργάτες, αλλά χωρίς τι κερέλ-λεν κουμάντος μπέτι τροπόσαρ. Ντα βακερντάς: «Πιο μπουτ οντουβά τζενό πρέπει τι κερέλ ακαβά: Μα τι αμντίνελ ότι τζανέλα πράγματα σο να τζανέλα, ντα πάντα τι μανγκέλ τι σικλιόλ».

Ο Λάφι ι Ντεβλέσκο χρησιμοποιήνελα σαρ παράδειγμας ι μπουτί εκχέ υπηρετίσκι σο ισινέ υπεύθυνος εκχέ κχερέσκε για τι σικαβέλ μερικά μπουτιά σο αβένα-πες κι κχανγκιρί. Για παράδειγμας, ο απόστολος Πέτρος βακερέλα κο Χριστιανοί τι χρησιμοποιήνεν ο ικανότητες σο ντινάς-λεν ο Ντεβέλ «για τι υπηρετίνεν ο εκ ι γιαβερές σαρ λατσσέ υπηρέτες ι λατσσιμάσκε σο σικαβέλα ο Ντεβέλ χωρίς τι αξίνεν-λες».​—1 Πέτρ. 4:10.

Ο Ιησούς-ντα χρησιμοποιηντάς ο παράδειγμας εκχέ ασακέ υπηρετίσκο κι παραβολή σο ισί κο εδάφια Λουκάς 16:​1-8. Επίσης, εκχέ προφητειάτε σο κερέλας λάφι για το σημείος σο κα σικαβέλας ότι αβιλό σαρ Βασιλιάς, ο Ιησούς βακερντάς πι μαθητένγκε ότι κα τσσουβέλας εκχέ “πιστέ ντα φρόνιμε δουλός” ή γιαβέρσοϊ εκχέ “πιστέ υπηρετής”. Η πιο σημαντική μπουτί ανταλέ υπηρετίσκι κα αβέλας τι ντελ πνευματικός χαμπέ ι μαθητέν ι Χριστόσκε κο τελευταία ντιβεσά. (Ματθ. 24:​45-47· Λουκ. 12:​42) Ισινάμ πφερντέ εκτίμηση σο λάσα αμέν-ντα κατά πνευματικός χαμπέ σο νικαβέλα ντα ντέλα ο πιστός υπηρέτης σαρό κο ντουνιάς για τι μπαριαρέλ αμαρί πίστη.