Ντένα-τουμέν Γκοντί;

Ντένα-τουμέν γκοντί ο απαντήσεις ανταλέ ερωτησιέντε αντράλ κατά περιοδικά Σκοπιά σο νικίστιλε κο 2019;

Σο μανγκέλα τι βακερέλ η υπόσχεση ι Ντεβλέσκι: «Καέκ όπλος σο κα κερντιόλ για τι κερέλ τούκε κακός να κα τθερέλ επιτυχία»; (Ησ. 54:17)

Μπορίνασα τι αβάς σίγουροι ότι ο Ντεβέλ κα αρακχαβέλ-αμέν κατά πράγματα σο ανένα καταστροφή, σαρ για παράδειγμας κάνα “πφούντενα οντουλά σο ζορισκιαρένα ι γιαβερέν”. (Ησ. 25:4, 5) Αμαρέ ντουσμάνια ναστί κα κερέν αμένγκε ζιάνι σο κα ατσσόλ.​—w19.01, σελ. 6, 7.

Σαρ ντικχίντιβελα η δικαιοσύνη ι Ιεχωβάσκι οντουλένταρ σο κερντάς κο Χαναναίοι ντα κο Ισραηλίτες σο νασλέ λέσκε ντρομέσταρ;

Ο Ντεβέλ τιμωριντάς οντουλέν σο κερένας λουμνικανέ πράγματα σο ισινέ μπουτ τζουνγκαλέ ή κερένας ζιάνι τζουβλίντε ντα τσσαβέντε. Ευλογίνελας οντουλέν σο ντένας-λες καν ντα ισινέ δίκαιοι ι γιαβερέντζαρ.​—w19.02, σελ. 22, 23.

Σο πρέπει τι κεράς άμα ισινάμ ανγκλάλ κάνα κερέλα προσευχή εκ τζενό σο νανέ Μάρτυρας;

Μπορίνασα τι σικαβάς σεβασμός χωρίς τι κεράς λάφι αλλά να κα βακεράς «αμήν» ντα να κα ασταράς-αμέν βας βαστέσαρ ι γιαβερέντζαρ. Μπορίνασα τι προσευχίντιβας αντρ’ αμένταρ.​—w19.03, σελ. 31.

Καζόμ σοβαρός πράγμας ισί η κακοποίηση σο αβέλα-πες κο τσσαβέ;

Η κακοποίηση σο αβέλα-πες κο τσσαβέ ισί εκ αμαρτία σο κερέλα κακός ι τσσαβέσκε, κερέλα κακός ι κχανγκιριάκε, τζάλα κόντρα κο εξουσίες κι ντουνιάσκε ντα τζάλα κόντρα κο Ντεβέλ. Τθεμέντε σο ο νόμοι βακερένα τι μουτθάντιβελ κο ασκέρια ότι εκ τζενό μπορεί τι κερντάς λουμνικανέ πράγματα εκχέ τσσαβέσκε, ο πρεσβύτεροι ντένα καν.​—w19.05, σελ. 9, 10.

Σαρ μπορίνενα τι αλλάνεν τουμαρό τρόπος σκέψης ή τι κερέν-λες ατζέ πιο λατσσό;

Ο σημαντικά πράγματα ισί ακαλά: Τι κερέν λάφι κο Ιεχωβά αντράλ κατά προσευχή. Τι σκεφτίνεν λατσσές για τι αγαβέν σο τθερένα τουμαρέ γκίστε ντα τουμαρέ γκοντιάτε. Τι τραμπίνεν τουμαρέ αμαλέν γκοντιάσαρ.​—w19.06, σελ. 11.

Σαρ κα προετοιμάντιβας ακανά ι ντιβεσένγκε σο κα τζαν αμέντζαρ κόντρα;

Πρέπει τι κεράς πιο ζουρανί αμαρί φιλία ι Ιεχωβάσαρ. Τι αβάς σίγουροι ότι μανγκέλα-αμέν ντα ότι να κα μουκχέλ-αμέν ποτές. Τι διαβάνας ι Γραφή κάθε ντιβές ντα μα τι τσσιναβάς τι προσευχίντιβας. Τι αβάς σίγουροι ότι η Βασιλεία ι Ντεβλέσκι κα ανέλ ευλογίες. Τι σικλιάς αβριάλ αμαρέ αγαπημέ εδάφια αλλά εμ ο ύμνοι ντα ο γκιλιά σο ισαρένα ι Ιεχωβάς.​—w19.07, σελ. 2-4.

Σαρ κα βοηθίνας αμαρέ τζενέν τι σώντιβεν;

Ισί σημαντικός τι αγαβάς-λεν, τι μουκχάς αμαρί συμπεριφορά τι κερέλ λάφι, τι κεράς υπομονή ντα τι κεράς λάφι λατσσιμάσαρ.​—w19.08, σελ. 15-17.

Σαρ λοκχιάσα σαρ βακερντάς ο Ιησούς κο εδάφιος Ματθαίος 11:28;

Τθεράσα ι πρεσβυτερόν, σο ισί σαρ τσομπάνια ντα μανγκένα-αμέν, ι πιο λατσσέ αμαλέν ντα ο πιο λατσσό έργος.​—w19.09, σελ. 23.

Σαρ μπορίνελα ο Ντεβέλ τι κερέλ-αμέν εμ τι μανγκάς εμ τι τθεράς ι ζορ τι κεράς πράγματα; (Φιλιπ. 2:13)

Καζόμ διαβάνασα ντα σκεφτίνασα ο Λάφι ι Ντεβλέσκο, ο Ντεβέλ μπορίνελα τι κερέλ-αμέν εμ τι μανγκάς εμ τι τθεράς ι ζορ τι κεράς πράγματα. Λέσκο πνεύμας μπορίνελα τι μπαριαρέλ αμαρέ ικανότητες.​—w19.10, σελ. 21.

Σο πρέπει τι κερέν πριν τι λεν εκ σημαντική απόφαση;

Ακαλά παντς πράγματα: Τι ρόντεν καζόμ πιο λατσσές αβέλα-πες. Τι μανγκέν σοφία κατά Ντεβέλ. Τι αγαβέν σο τσσίντελα-τουμέν τι λεν εκ απόφαση. Τι τζανέν λατσσές σο μανγκένα τι κερέν. Τι αγαβέν σο μπορίνενα τι κερέν.​—w19.11, σελ. 27-29.

Μήπως ο σικλιαριπέ ότι η ψυχή να μερέλα νικίστιλο κατά λάφια σο βακερντάς ο Μπενγκ κι Εύα;

Ντικχίντιβελα ότι νανέ αντικάς. Ο Μπενγκ βακερντάς κι Εύα ότι να κα μερέλας ιτς. Σο-ντα λάθος σικλιαριπέ πακιάνας ο τζενέ χασάρντιλο κο Κατακλυσμός. Ο σικλιαριπέ ότι η ψυχή να μερέλα μάλλον νικίστιλο πριν τι τρουγίνελ ο Ντεβέλ ι τζενέν σο κερένας ο πύργος της Βαβέλ.​—w19.12, σελ. 15.