Σαρ τι Κεράς Λάφι ι Ντεβλέσκε πιο Λατσσές—Σαρ τι Σικλιαράς Οντουλέν σο Κερένα Μελέτη τι Τθερέν ι Λατσσί Συνήθεια τι Διαβάνεν
Σόσκε Ισί Σημαντικός: Για τι αβέν πιο πνευματικοί, οντουλά σο κερένα μελέτη κατά Αγία Γραφή πρέπει τι τσσουβέν πουμαρέ γκοντιάτε ντα πουμαρέ γκίστε εμ ο βασικά πράγματα ι Γραφιάκε, αλλά εμ ο πιο βαθιά. (Εβρ. 5:12–6:1) Για τι διαβάνας πρέπει τι κεράς προσπάθεια. Δηλαδή πρέπει τι σκεφτίνας σο σχέση τθερένα ο νεβέ πράγματα σο σικλιάσα οντουλέντζαρ σο τζανάσα ντα τι αγαβάς σαρ μπορίνενα τι βοηθίνεν-αμέν αμαρέ ζωγιάτε. (Παρ. 2:1-6) Ο τζενέ σο κερένα μελέτη κα μπορίνεν τι αρακχέν ο απαντήσεις κο ερωτήσεις σο τθερένα κατά Αγία Γραφή, άμα κα σικλιόν τι ρόντεν κορκορέ κο βιβλία ντα κο περιοδικά σο τθεράσα. Όταν βον προσπαθίνενα αντράλ πουμαρέ γκίσταρ τι κερέν οντουλά σο σικλιόνα, κα μπορίνεν τι ατσσόν σταθεροί κο δοκιμασίες σο κα τθερέν σαρ Χριστιανοί.—Λουκ. 6:47, 48.
Κερέν Ακαβά Ανταλέ Μασικέστε:
Κάνα τελειώνενα εκ υπότιτλος ή εκ κεφάλαιος, μανγκέν οντουλέσταρ σο κερέλα μελέτη τι βακερέλ τουμένγκε χάνικ λαφίντζαρ σο σικλιλό. Άμα να τθερένα καέκ τζενές σο κερένα-λες μελέτη, διαβάνεν κάτι κατά Αγία Γραφή ή εκ παράγραφος κατά Σκοπιά ντα βακερέν χάνικ λαφίντζαρ σο σικλιλέν, για τι μπορίνεν τι αγαβέν ατζέ πιο λατσσές οντουλά σο διαβάνενα.