Σαρ Μπορίνασα τι Χρησιμοποιήνας Λατσσές ο Ηχογραφήσεις

1. Εκτός κατά περιοδικά ντα κατά βιβλία σο μπορίνασα τι διαβάνας, σο γιαβέρ τθεράσα για τι βοηθίνελ-αμέν;

¹ Μπουτ τζενέ μπεϊντίνενα τι διαβάνεν κατά jw.org σουκάρ ντα σωστά λάφια σο ισί μπαγιά. (Εκκλ. 12:​10) Όμως, τουμέν χρησιμοποιηντέν ο ηχογραφήσεις-ντα σο τθερέλα αμαρό ιστότοπος; Άμα κερένα-λες ανταβά, μπορίνενα τι ασουνέν μπουτ πράγματα σο τθερέλα αμαρό ιστότοπος. Σαρ κα βοηθίνεν-αμέν ο ηχογραφήσεις;

2. Σαρ μπορίνασα τι χρησιμοποιήνας ο ηχογραφήσεις κι μελέτη σο κεράσα κορκορέ ή αμαρέ φαμιλιάσαρ;

² Κάνα Κεράσα Μελέτη Κορκορέ ή Αμαρέ Φαμιλιάσαρ: Αν ασουνάσα ι Γραφή, ο περιοδικά ντα γιαβερά βιβλία ή βιβλιάρια όταν τζάσα ταξίδι ή όταν κεράσα γιαβερά πράγματα κάθε ντιβές, κα χρησιμοποιήνας πιο λατσσές αμαρό χρόνος. (Εφεσ. 5:​15, 16) Κάτι γιαβέρ σο μπορίνασα τι κεράς κι φαμιλιάκι λατρεία ισί τι ασουνάς ο ηχογραφήσεις ντα τι παρακολουθίνας αμαρέ βιβλιόνταρ. Άμα μανγκάσα τι διαβάνας πιο λατσσές ή άμα σικλιάσα εκ νεβί τσσιπ, μπορίνασα τι ασουνάς ο ηχογραφήσεις όταν διαβάνασα κορκορέ για τι βοηθίντιβας.

3. Καλέ τζενέν τουμαρέ τθανέσταρ μπορεί τι βοηθίνεν ο ηχογραφήσεις;

³ Για το Έργος ι Ντεβλέσκο: Ο τζενέ αμαρέ τθανέστε σο βακερένα ότι νανέ-λεν χρόνος για τι διαβάνεν ή σο να τζανένα τι διαβάνεν μπορεί τι μανγκέν τι ασουνέν εκ ηχογράφηση. Ή άμα κα αρακχάς τζενέν σο κερένα λάφι γιαβέρ τσσιπ, μπορεί τι δεχτίνεν ο λατσσέ αμπέρια ι Βασιλειάκε άμα κα ασουνέν-λεν “πουμαρέ τσσιμπάτε”. (Πράξ. 2:​6-8) Ο τζενέ μερικέ τθεμέντε ισί συνηθισμέ τι βακερέν ντα τι ασουνέν ο πράγματα σο αβένα-πες. Για παράδειγμας, σε εκ πολιτισμός σο βακέρντιβελα Χμονγκ, ο πιο μπαρέ βακερένα ι ιστορία πουμαρέ τθεμέσκι κο πιο χουρντέ ντα οντουλά σο ασουνένα ατσσόνα εύκολα λένγκε γκοντιάτε. Επίσης, μπουτέ τθεμέντε κι Αφρική, ο τζενέ μπεϊντίνενα τι σικλιόν κατά ιστορίες σο ασουνένα.

4. Καλά ερωτήματα μπορίνασα τι σκεφτίνας όταν βοηθίνασα ι τζενέν σο αρακχάσα αμαρέ τθανέστε;

⁴ Κα βοηθίντιβενας ο τζενέ σο αρακχάσα αμαρέ τθανέστε άμα κα τσσουβάας τι ασουνέν εκ ηχογράφηση λένγκε τσσιμπάτε; Κα μπορίνελας κάποιος τι βοηθίντιβελ άμα κα μπουτσσαβάας λέσκε με ηλεκτρονικός ταχυδρομείος εκ ηχογράφηση; Μήπως ισί λατσσό τι γραφίνας ηχογραφήσεις σε CD ντα τι ντας-λεν μαζί με το περιοδικός, με το φυλλάδιος ή με το βιβλίος σο ισί ηχογραφιμέ κο τζενέ σο μανγκένα τι σικλιόν; Όταν ντάσα εκ σαστό βιβλίος, βιβλιάριος, περιοδικός ή φυλλάδιος σο ισί ηχογραφιμέ, μπορίνασα τι γραφίνας-λες κο έργος σο ντάσα κο τέλος κάθε μάσεκ. Ο ηχογραφήσεις ισί κερντέ εμ για τι χρησιμοποιήνας-λεν κι μελέτη σο κεράσα κορκορέ, αλλά εμ για τι φυτίνας ο σπόρος της αλήθειας.​—1 Κορ. 3:6.