Προετοιμασία​—Πρέπει τι Κεράς-λα για τι Σικλιαράς Σωστά ι Γιαβερέν

Τζανάσα ότι, ντούι φαρ τουλάχιστον, πουτσλέ ι Ιησούς σο πρέπει τι κερέν για τι τζουβντιόν για πάντα. Κο ντούι-ντα φαρ, η απάντηση σο ντινάς ο Ιησούς ταιριάνελας με το ανάγκες σο τθερέλας ο κάθε εκ οντουλένταρ σο πουτσλέ-λες. (Λουκ. 10:​25-28· 18:​18-20) Αντικάς αμέν-ντα, παρόλο σο μπορεί τι τζανάσα λατσσές οντουλά σο κα διαβάνας οντουλέσαρ σο κεράσα μελέτη, όταν προετοιμάνασα-αμέν πρέπει τι τθεράς αμαρέ γκοντιάτε οντουβά σο χρειαζίντιβελα βοβ. Σο μπορεί μα τι αγαβέλ ή μα τι δεχτίνελ; Καλά εδάφια σο ισί κο μάθημας πρέπει τι διαβάνας; Καζόμ παραγράφους πρέπει τι διαβάνας κάθε φαρ; Μπορεί τι χρειαζίντιβελ τι προετοιμάνας κάποιο παράδειγμας, μερικές σκέψεις ή ερωτήσεις σο κα βοηθίνεν οντουλέ τζενές σο κεράσα-λες μελέτη τι αγαβέλ οντουλά σο διαβάνασα λέσαρ. Επίσης, αφού ο Ιεχωβά ισί οντουβά σο κερέλα ο σπόρος της αλήθειας τι μπαριόλ κο γκιά κι τζενένγκε, πρέπει τι μανγκάς λέσταρ τι ευλογίνελ ι προετοιμασία σο κεράσα για τη μελέτη, οντουλέ τζενές σο κεράσα-λες μελέτη ντα ο προσπάθειες σο κεράσα για τι βοηθίνας-λες πνευματικά.​—1 Κορ. 3:6· Ιακ. 1:5.