Τι Χρησιμοποιήνεν Λατσσές Οντουλά σο Τθερέλα ο Βιβλίος Σο Σικλιαρέλα η Γραφή

Αζόμ εκ τζενό σο κερέλα μελέτη σικλιόλα οντουλά σο σικλιαρέλα μπαγιά η Αγία Γραφή ντα κερέλα-λεν πι ζωγιάτε, λέσκι πίστη κα μπαριόλ ντα κα αβγατίντιβελ. (Ψαλμ. 1:​1-3) Αμέν μπορίνασα τι βοηθίνας-λες τι κερέλ πρόοδος όταν χρησιμοποιήνασα οντουλά σο τθερέλα ο βιβλίος Σο Σικλιαρέλα η Γραφή.

Ερωτήσεις σο Ισί κι Αρχή: Κάθε κεφάλαιος κι αρχή τθερέλα ερωτήσεις ντα αρακχάσα ο απαντήσεις αντρέ κο μάθημας. Μπορίνενα τι κερέν ανταλά ερωτήσεις πριν τι αρχίνεν ι μελέτη, για τι σκεφτίνελ ο τζενό σο κερένα-λες μελέτη οντουλά σο κα διαβάνας. Άμα κα ντελ εκ λάθος απάντηση, νανέ ανάγκη τι διορθώνεν-λες οντιά στιγμή. Λέσκε λάφια κα βοηθίνεν-τουμέν τι αγαβέν σο πρέπει τι βακερέν λέσκε ντα κατέ πρέπει τι βοηθίνεν-λες.​—Παρ. 16:23· 18:13.

Παλαϊνέ Σελίδες: Άμα ο τζενό σο κερένα-λες μελέτη αγαβέλα ντα δεχτίνελα οντουλά σο διαβάνενα κο βιβλίος, μπορίνενα απλά τι βακερέν λέσκε τι διαβάνελ κορκορό ο παλαϊνέ σελίδες. Κι γιαβέρ μελέτη σο κα κερέν, συζητίνεν λέσαρ χάνικ για τι αβέν σίγουροι ότι αγαντάς ο σημαντικά σημεία. Όμως μπορίνενα τι διαβάνεν λέσαρ εκ θέμας κατά παλαϊνέ σελίδες ή μερικές παραγράφους, άμα πακιάνα ότι ανταβά κα βοηθίνελ-λες.

Πλαίσιος για τι Ντας-Αμέν Γκοντί: Κάνα τελειώνελα κάθε κεφάλαιος, αρακχάσα κο τέλος ο πλαίσιος για τι ντας-αμέν γκοντί σο απαντίνελα κο ερωτήσεις σο ισί κι αρχή. Τι χρησιμοποιήνεν-λες ανταβά για τι αβέν σίγουροι ότι ο τζενό σο κερένα-λες μελέτη αγαβέλα ο σημαντικά σημεία ντα μπορίνελα τι εξηγίνελ-λεν. Διαβάνεν μαζί ο κάθε σημείος ντα ο εδάφια σο ισί οτθέ. Σοράν, μανγκέν λέσταρ τι εξηγίνελ κατά εδάφιος ή κατά εδάφια σόσκε οντουλά σο βακερέλα ο πλαίσιος ισί σωστά.​—Πράξ. 17:2, 3.