Λεν σαρ Παράδειγμας ι Προφητέν—Αββακούμ

1. Σόσκε μπορίνασα τι αγαβάς σαρ νιωθίνελας ο προφήτης Αββακούμ;

¹ Ο πφιρνιπέ ανταλέ ντουνιάστε σο τζουβντιάσα αβέλα κάθε ντιβές πιο μπουτ ντα μπορεί τι κερέλ-αμέν τι νιωθίνας σαρ νιωθίνελας ο Αββακούμ, σο πουτσλάς ι Ιεχωβάς: «Σόσκε κερέσα-μαν τι ντικχάβ μπέτι πράγματα ντα συνεχίνεσα τι παρατηρίνες προβλήματα;» (Αββακ. 1:3· 2 Τιμ. 3:1, 13) Αζόμ μπεκλεντίνασα ο ντιβές σο ο Ιεχωβά κα κρίνελ ι ντουνιάς, κα λας δύναμη άμα σκεφτίνασα ο πιστός παράδειγμας του Αββακούμ ντα οντουλά σο βακερέλας.​—2 Πέτρ. 3:7.

2. Σαρ μπορίνασα τι σικαβάς ότι τζουβντιάσα με πίστη αντιβές;

² Τι Τζουβντιόν με Πίστη: Αντίς τι στεναχωρίνελ πι νεαυτόσκε ντα μα τι κερέλ τίποτα, ο Αββακούμ ατσσιλό πνευματικά τζανγκαντό ντα συνεχίνελας τι κερέλ ο έργος ι Ντεβλέσκο. (Αββακ. 2:1) Ο Ιεχωβά βακερντάς κο προφήτης ότι Λέσκο λάφι κα νικιόλ μπαγιά πι σαατίστε ντα ότι «ο δικαίος κα συνεχίνελ τι τζουβντιόλ επειδή ισί πιστός». (Αββακ. 2:2-4) Σο μανγκέλα τι βακερέλ ανταβά ι Χριστιανόνγκε σο τζουβντιόνα κο τελευταία ντιβεσά; Πιο σημαντικός ισί τι αβάς σίγουροι ότι ο τέλος κα αβέλ-πες μπαγιά παρά τι τζανάς κάνα κα αβέλ. Η πίστη κερέλα-αμέν τι αβάς έτοιμοι ντα τι τσσουβάς πρώτα ο έργος ι Ντεβλέσκο.​—Εβρ. 10:38, 39.

3. Σόσκε πρέπει τι συνεχίνας τι ατσικιαράς αμαρί χαρά αζόμ υπηρετίνασα ι Ιεχωβάς;

³ Τι Αβέν Χαρούμενοι σο Υπηρετίνενα ι Ιεχωβάς: Όταν ο Γωγ του Μαγώγ κα τζαλ κόντρα κο λαός κι Ντεβλέσκο, πρέπει τι σικαβάς ότι τθεράσα ζουρανί πίστη. (Ιεζ. 38:2, 10-12) Ο πόλεμοι πάντα ανένα μπαρέ προβλήματα, ατζέ-ντα οντουλένγκε σο νικίνενα. Ο χαμπίματα μπορεί τι αβέν χάνικ, μπορεί τι χασαράς σο-ντα τθεράσα ντα η ζωή τι αβέλ δύσκολη. Σο κα κεράς όταν κα αβέν δυσκολίες; Ο Αββακούμ μπεσέλας ότι κα αβέν προβλήματα, οτθάρ ισινέ αποφασισμέ τι συνεχίνελ τι αβέλ χαρούμενος σο υπηρετίνελας ι Ιεχωβάς. (Αββακ. 3:16-19) «Η χαρά ι Ιεχωβάσκι» κα βοηθίνελ-αμέν τι νταϊντίνας ο δυσκολίες σο κα αβέν.​—Νεεμ. 8:10· Εβρ. 12:2.

4. Σο χαρά μπορίνασα τι τθεράς εμ ακανά αλλά εμ κο μέλλον;

⁴ Όταν κα αβέλ ο ντιβές σο ο Ιεχωβά κα κρίνελ ι ντουνιάς, βοβ κα σώνελ ι πιστέ τζενέν ντα σοράν κα συνεχίνελ τι σικλιαρέλ-λεν σαρ τι τζουβντιόν. (Αββακ. 2:14) Οντουλά σο κα αναστίντιβεν κα σικλιόν βον-ντα ι Ιεχωβάσκε. Ατζέ-ντα ακανά, ισί λατσσό κάθε φορά σο ντιντιόλα-αμέν η ευκαιρία τι κεράς λάφι ι Ιεχωβάσκε ντα οντουλένγκε σο κερντάς ντα κα κερέλ αμένγκε!​—Ψαλμ. 34:1· 71:17.