ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Τι Υποστηρίνεν ο Κανόνες ι Ιεχωβάσκε
Ο Ιεχωβά Ντεβέλ τσσουβέλα κανόνες ι τζενένγκε για τι αβέν πάκι λέσκε γιακχίντε. Για παράδειγμας, ο Ιεχωβά βακερέλα ότι, όταν παντρίνενα εκ μουρς ντα εκ τζουβέλ, πρέπει τι αβέν για πάντα μαζί. (Ματ 19:4-6, 9) Μισίνελα σαρέ ο λουμνικανέ πράγματα. (1Κο 6:9, 10) Μάλιστα, τσσουβέλα κανόνες για το τρόπος σο πρέπει τι ιριαβάς-αμέν ντα τι λατσσαράς-αμέν, ντα ανταλά κανόνες κερένα-αμέν τι ξεχωρίνας σαρ λαός.—Δευ 22:5· 1Τι 2:9, 10.
Ανταλέ ντουνιάστε, μπουτ τζενέ να δεχτίνενα ο κανόνες ι Ιεχωβάσκε. (Ρω 1:18-32) Μουκχένα ι τζενένγκε απόψεις τι επηρεάνεν λένγκι συμπεριφορά ντα ο τρόπος σο ιριαβένα-πες ντα λατσσαρένα-πες. Μπουτ τζενέ κερένα λάφι χωρίς τι λατζάν πουμαρέ μπαρέ αμαρτιένγκε ντα πρασάνα οντουλέν σο να κερένα ασακέ πράγματα.—1Πε 4:3, 4.
Αμέν σο ισινάμ Μάρτυρες του Ιεχωβά πρέπει τι υποστηρίνας με θάρρος ι Ντεβλέσκε κανόνες. (Ρω 12:9) Σαρ; Πρέπει τι σικαβάς με σεβασμός κο γιαβερά καβά ισί λέσκο θέλημας. Αλλά αμέν-ντα πρέπει τι ατσσάς πάκι κι Ντεβλέσκε γιακχά. Για παράδειγμας, όταν τραμπίνασα σαρ κα ιριαβάς-αμέν ντα σαρ κα λατσσαράς-αμέν, τι σκεφτίνας: “Οντουλά σο τραμπίναβα σικαβένα ότι υποστηρίναβα ο κανόνες ι Ιεχωβάσκε ή ι ντουνιάσκε; Σικαβέλα ο τρόπος σο ιριαβάβα-μαν ντα λατσσαράβα-μαν ότι ισινόμ εκ πιστός Χριστιανός;” Ή όταν μανγκάσα τι ντικχάς εκ έργος ή κάτι γιαβέρ κι τηλεόραση, τι σκεφτίνας: “Κα μπεϊντίνελας ο Ιεχωβά ανταβά έργος; Κάσκε κανόνες υποστηρίνελα; Μήπως ο τρόπος σο διασκεδάναβα κα δυσκολίνελ-μαν τι τζαβ κόντρα κο μπέτι πράγματα; (Ψλ 101:3) Μήπως κα εμποδίνελ μι τζενέν ή ι γιαβερέν τι κερέν ο σωστός;”—1Κο 10:31-33.
Σόσκε ισί αζόμ σημαντικός τι υποστηρίνας ο κανόνες ι Ιεχωβάσκε; Ο Χριστός Ιησούς ατζεχάνικ κα καταστραφίνελ σαρέ ι πφιρνέ τζενέν. (Ιεζ 9:4-7) Σάντε οντουλά σο κερένα ι Ντεβλέσκο θέλημας κα τζουβντιόν. (1Ιω 2:15-17) Άμα κα υπερασπίνας ο κανόνες ι Ιεχωβάσκε, οντουλά σο κα ντικχέν αμαρί λατσσί συμπεριφορά κα ντεν δόξα ι Ντεβλές.—1Πε 2:11, 12.
Κάσκε κανόνες υποστηρίναβα με το τρόπος σο ιριαβάβα-μαν ντα λατσσαράβα-μαν;
ΝΤΙΚΧΕΝ Ο ΒΙΝΤΕΟΣ ΤΙ ΑΒΕΝ ΦΙΛΟΙ Ι ΙΕΧΩΒΑΣΑΡ—ΕΚ ΜΟΥΡΣ, ΕΚ ΤΖΟΥΒΕΛ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:
Σόσκε ισί λατσσό τι τζουβντιάς αντικάς σαρ βακερένα ο κανόνες ι Ιεχωβάσκε;
Σόσκε ο νταντά ντα ο νταγιά πρέπει τι σικλιαρέν πουμαρέ τσσαβέν χουρντιαρέλα για το κανόνες ι Ιεχωβάσκε;
Σαρ μπορίνενα εμ ο χουρντέ εμ ο πιο μπαρέ τι βοηθίνεν ι τζενέν τι ωφελίντιβεν κατά Ντεβλέσκο λατσσιπέ;