«Σέβανε τι Νταντές ντα τι Νταγιά»

Όταν ο Ιησούς ισινέ κι πφουβ, ντινάς ακαγιά εντολή: «Σέβανε τι νταντές ντα τι νταγιά». (Εξ 20:​12· Ματ 15:4) Ισί μπαγιά ότι ο Ιησούς μπορίνελας τι βακερέλ με θάρρος ανταβά λάφι επειδή, σαρ τερνό, «ντέλας καν» πι νταντέστε ντα πι νταγιάτε. (Λου 2:​51) Σαρ πιο μπαρό, κανονιντάς τι αρακχαβέλ κάποιος λέσκε νταγιά μετά λέσκε μεριμάσταρ.​—Ιωα 19:​26, 27.

Αμαρέ ντιβεσέντε-ντα, ο τερνέ σο ντένα καν πουμαρέ νταντές ντα πουμαρέ νταγιά ντα κερένα λάφι με σεβασμός σικαβένα λένγκε τιμή. Μάλιστα, η εντολή τι σικαβάς λένγκε σεβασμός να τθερέλα ημερομηνία λήξης. Ατζέ-ντα όταν αμαρό ντατ ντα αμαρί ντάι ισί πφουρέ, πρέπει τι συνεχίνας τι σικαβάς λένγκε σεβασμός ντα τι βοηθίντιβας κατά σοφία σο τθερένα. (Παρ 23:​22) Επίσης, σικαβάσα σεβασμός αμαρέ πφουρέ νταντέσκε ντα νταγιάκε όταν βοηθίνασα-λεν λοβένταρ ντα συναισθηματικά κάνα χρειαζίντιβενα-λες. (1Τι 5:8) Είτε ισινάμ τερνέ είτε πιο μπαρέ κι ηλικία, άμα μανγκάσα τι σικαβάς σεβασμός αμαρέ νταντέσκε ντα αμαρέ νταγιάκε ισί σημαντικός τι τθεράς λατσσί επικοινωνία λέντζαρ.

ΝΤΙΚΧΕΝ Ο ΒΙΝΤΕΟΣ ΠΩΣ ΝΑ ΜΙΛΗΣΩ ΣΤΟΥΣ ΓΟΝΕΙΣ ΜΟΥ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σόσκε μπορεί τι δυσκολίντιβεν τι κερέν λάφι τουμαρέ νταντέσαρ ντα τουμαρέ νταγιάσαρ;

• Σαρ μπορίνενα τι σικαβέν σεβασμός τουμαρέ νταντέσκε ντα τουμαρέ νταγιάκε όταν κερένα λέντζαρ λάφι;

  

• Σόσκε αξίνελα τι κερέν λάφι τουμαρέ νταντέστε ντα τουμαρέ νταγιάτε; (Παρ 15:22)