«Ο Παύλος Ευχαριστιντάς ι Ντεβλές ντα Λιντάς Θάρρος»

Όταν η κχανγκιρί κι Ρώμη ασουντάς ότι αβέλας ο Παύλος, κάποια πφραλά κερντέ ταξίδι περίπου 64 χιλιόμετρα για τι καλωσορίνεν-λες. Σαρ επηρεαντάς ι Παυλός λένγκι μπαρί αγάπη; «Μόλις ο Παύλος ντικχλάς-λεν, ευχαριστιντάς ι Ντεβλές ντα λιντάς θάρρος». (Πρ 28:​15) Παρόλο σο σαρέ τζανένας ότι ντέλας θάρρος κο κχανγκιριά σο τζάλας, κι περίπτωση ανταγιά σο ισινέ πφαντό κι φυλακή, βοβ λιντάς θάρρος.​—2Κο 13:10.

Αντιβές ο επίσκοποι περιοχής τζάνα κατά εκ κχανγκιρί κι γιαβέρ για τι ντεν θάρρος κο πφραλά ντα κο πφενιά. Σαρ αβέλα-πες σαρέ ι τζενέντζαρ σο υπηρετίνενα ι Ντεβλές, αντικάς βον-ντα μπάζιμ αισθάντιβενα κχινέ, τθερένα ανησυχίες ντα χασαρένα πουμαρό κουράγιος. Ι γιαβέρ φαρ σο κα αβέλ τουμαρέ κχανγκιριάτε ο επίσκοπος περιοχής πι ρομνιάσαρ, σο μπορίνενα τι κερέν τουμέν για τι βοηθίνεν-λεν τι λεν θάρρος, ντα αντικάς τι “ενθαρρύντιβεν κατά πίστη ο εκ ι γιαβερέσκι”;​—Ρω 1:​11, 12.

• 

  Τι τζαν κο ξεκινήματα. Ο επίσκοπος περιοχής ενθαρρύντιβελα όταν ο πφραλά κερένα θυσίες για τι ωφελίντιβεν καζόμ πιο μπουτ αβέλα-πες κι εβδομάδα σο υπηρετίνελα λένγκε κχανγκιριάτε. (1Θε 1:2, 3· 2:​20) Κα μπορίνενας τι κερέν βοηθητικός σκαπανικός ο μάσεκ σο ισί ο επίσκοπος τουμαρέ κχανγκιριάτε; Κα μπορίνενας τι πφάντεν συνεργασία λέσαρ ή λέσκε ρομνιάσαρ ή τι λεν-λεν σε εκ Γραφική μελέτη; Βον χαιρίνενα τι συνεργαζίντιβεν διάφορε πφραλέντζαρ, ατζέ-ντα οντουλέντζαρ σο ισί νεβέ κι αλήθεια ή οντουλέντζαρ σο νανέ αζόμ έμπειροι κο έργος.

• 

  Τι αβέν φιλόξενοι. Κα μπορίνενας τι φιλοξενίνεν-λεν σοϊμάσκε ή χαμάσκε; Ανταβά σικαβέλα κο επίσκοπος περιοχής ντα λέσκε ρομνιάτε ότι μανγκένα-λεν. Να μπεκλεντίνενα τι κερέν λένγκε κάτι μπουτ δύσκολος.​—Λου 10:​38-42.

• 

  Τι ασουνέν ντα τι ακολουθίνεν λέσκι κατεύθυνση ντα λέσκε συμβουλές. Ο επίσκοπος περιοχής βοηθίνελα-αμέν με αγάπη τι ντικχάς σαρ μπορίνασα τι αβάς πιο λατσσέ κι υπηρεσία κι Ιεχωβάσκι. Μερικές φορές, μπορεί τι χρειαζίντιβελ τι ντελ ζουρανί συμβουλή. (1Κο 5:​1-5) Κάνα αμέν ντάσα καν ντα κεράσα οντουβά σο βακερέλα αμένγκε, κεράσα-λες χαρούμενος.​—Εβρ 13:17.

• 

  Τι σικαβέν τουμαρί εκτίμηση. Βακερέν κο επίσκοπος περιοχής ντα λέσκε ρομνιάκε σαρ βοηθίντιλεν κατά προσπάθειες σο κερντέ. Μπορίνενα τι σικαβέν τουμαρί εκτίμηση είτε άμα κα βακερέν-λες λένγκε είτε άμα κα γραφίνεν λένγκε χάνικ λάφια εκχέ καρτάτε.​—Κολ 3:15.