Σαρ τι Αρχίνας Συζητήσεις Κατά Φυλλάδια

Κατά Ιανουάριος του 2018, κι ανγκλαϊνί σελίδα σο βακερέλα Ζωή ντα Έργος​—Πρόγραμμας για τη Συνάθροιση υπαρχίντιβελα ο θέμας σαρ τι κεράς συζητήσεις. Βακέρντιλο αμένγκε ότι ισί λατσσό τι κεράς συζητήσεις ι τζενέντζαρ αντίς απλά τι ντας-λεν έντυπα. Για τι μπορίνεν ο πφραλά τι κερέν λάφι ανάλογα με το ανάγκες ι τζενένγκε, ο βίντεα σαρ τι κεράς συζητήσεις σικαντέ σαρ μπορίνασα τι πουτράς συζητήσεις σάντε ι Γραφιάσαρ. Μήπως ανταβά μανγκέλα τι βακερέλ όμως ότι δεν πρέπει τι χρησιμοποιήνας έντυπα κάνα βακεράσα ο λατσσέ αμπέρια κχερ κχερέστε; Νάα! Ο φυλλάδια, για παράδειγμας, ισί εκ μπουτ λατσσό τρόπος για τι αρχίνας συζητήσεις. Καβά-ντα φυλλάδιος τι ντας, μπορίνασα τι κεράς οντουλά σο ισί πιο τελέ:

1. Κερέν ι ερώτηση σο τθερέλα ο φυλλάδιος κι ανγκλαϊνί σελίδα.

2. Σικαβέν ι απάντηση ι Γραφιάκι κατά εδάφιος(α) σο ισί οπρέ κι δεύτερη σελίδα. Άμα τθερένα χρόνος, διαβάνεν ντα συζητίνεν κάποια λάφια αντράλ κατά φυλλάδιος.

3. Ντεν ο φυλλάδιος κο τζενό ντα βακερέν λέσκε ότι ισί λατσσό, κάνα κα μπορίνελ, τι διαβάνελ οντουβά σο ατσσιλό.

4. Πριν τι νασέν, σικαβέν λέσκε ι ερώτηση «Σκεφτίνεν» ντα κανονίνεν τι ντικχέν ι γιαβέρ φαρ σο απάντηση ντέλα η Γραφή.

Κι επανεπίσκεψη, κερέν λέσαρ λάφι για τι αγαβέλ ι απάντηση ντα μουκχέν εκ γιαβέρ ερώτηση σο κα ντικχέν-λα ι γιαβέρ φαρ. Μπορίνενα τι τραμπίνεν εκ ερώτηση αμαρέ ιστοτοπόσταρ ή κατά έντυπος σο μπουτσσαβέλα η παλαϊνί σελίδα ι φυλλαδιόσκι. Κάνα πακιάνα ότι ισί λατσσό, σικαβέν ο βιβλιάριος Ο Λατσσέ Αμπέρια ι Ντεβλέσκε! ή εκ γιαβέρ έντυπος σο μπορίνενα τι κερέν λέσταρ μελέτη κατά Εργαλεία για τι Σικλιαράς.