Σο Μπορίνενα τι Σικλιόν Κατά Γκιλιά;

Καλά ισί μερικά γκιλιά σο μπεϊντίνενα; Σόσκε; Σίγουρα ο βίντεα ι γκιλίνγκε ανένα τουμαρέ γκοντιάτε πράγματα σο νακχένα τουμαρέ ζωγιάτε. Σαρέ κα αρακχέν κάτι σο κα μπεϊντίνεν σόσκε ο γκιλιά τθερένα διαφορετικά θέματα ντα διαφορετικός ρυθμός. Όμως, ο γκιλιά ντα ο βίντεα ι γκιλίνγκε νανέ σάντε για τι κερέν-αμέν τι νακχάς λατσσές.

Κάθε γκιλί σικλιαρέλα-αμέν σημαντικά πράγματα σο μπορίνασα τι κεράς κο έργος ντα σαρ Χριστιανοί. Μερικά γκιλιά βακερένα αμένγκε τι αβάς φιλόξενοι, ενωμέ, λατσσέ αμαλά, τι τθεράς θάρρος, αγάπη ντα πίστη. Γιαβερά γκιλιά βοηθίνενα-αμέν τι βουρτίνας κο Ιεχωβά, τι συγχωρίνας, τι ατσσικιαράς σαστό αμαρό γκι κο Ντεβέλ κάθε ντιβές ντα τι αρακχάς πιο μπουτ τρόπους για τι υπηρετίνας ι Ιεχωβάς. Μάλιστα ισί εκ γκιλί σο σικαβέλα σαρ τι χρησιμοποιήνας γκοντιάσαρ ο κινητός. Καλά γιαβερά σημαντικά πράγματα σικλιλέν τουμέν κατά γκιλιά;

ΝΤΙΚΧΕΝ Ο ΒΙΝΤΕΟΣ Ι ΓΚΙΛΙΑΚΟ ΛΙΓΟ ΑΚΟΜΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καγιά ευλογία σκεφτίνελα ότι κα τθερέλ κο μέλλον εκ αντρόγυνος σο ισί πφουρέ;​—Γε 12:3

• Σο κα κεράς για τι πακιάς ατζέ πιο μπουτ ότι ο Ιεχωβά μπορίνελα τι κερέλ μπαγιά πο υποσχέσεις;

• Καλέ τζενέν κα ντικχάς ατζεχάνικ σο κα ντεν-αμέν χαρά;

• Σαρ βοηθίνελα-αμέν η ελπίδα σο τθεράσα ι Βασιλειάκε τι νταϊντίνας ο προβλήματα σο τθεράσα ακανά;​—Ρω 8:25