Βοηθίντιβενα Τουμέν Κατά Βιβλιάριος Τι Ρόντας κι Γραφή Κάθε Ντιβές;

Ισινέν σικλέ τι διαβάνεν ο εδάφιος ι ντιβεσέσκο ντα ο λάφια σο ισί κο βιβλιάριος Τι Ρόντας κι Γραφή Κάθε Ντιβές; Άμα να ισινέν σικλέ, μπορίνενα τι αρχίνεν τι κερέν-λες; Μπουτ τζενέ διαβάνενα ο εδάφιος νωρίς το πρωί για τι μπορίνεν τι σκεφτίνεν ανταλά λάφια καζόμ κερένα ο μπουτιά σο τθερένα κάθε ντιβές. (Ιη 1:8· Ψλ 119:​97) Σαρ μπορίνενα τι βοηθίντιβεν ατζέ πιο μπουτ κατά εδάφιος ι ντιβεσέσκο; Διαβάνεν ο λάφια σο ισί πιο οπρέ ντα πιο τελέ κατά εδάφιος για τι αγαβέν-λες πιο λατσσές. Προσπαθίνεν τι σκεφτίνεν εκ ιστορία ι Γραφιάκι σο κα κερέλ τουμένγκε πιο ξεκάθαρος οντουβά σο μανγκέλα τι σικλιαρέλ ο εδάφιος. Σοράν κερέν τουμαρέ ζωγιάτε οντουβά σο σικλιλέν. Κάνα μουκχένα ι Ντεβλέσκο Λάφι τι βοηθίνελ-τουμέν κο αποφάσεις σο λένα, κα οδηγίνελ-τουμέν ντα κα κερέλ τουμένγκε μπαγιά λατσσιπέ.​—Ψλ 119:​105.

Ο φαμιλιά Μπέθελ σαρό κο ντουνιάς διαβάνενα ο εδάφιος ι ντιβεσέσκο πριν τι αρχίνεν πουμαρί μπουτί. Ο τελευταία μπρεσά νικίστιλε μπουτ πρωινές λατρείες κο JW Broadcasting^® κι κατηγορία ΠΡΟΓΡΑΜΜΑΤΑ ΚΑΙ ΕΚΔΗΛΩΣΕΙΣ. Κάνα ισινέ η τελευταία φαρ σο ντικχλέν εκ ή πιο μπουτ πρωινές λατρείες; Μπορεί ο σκέψεις σο βακέρντιβενα οτθέ τι αβέν ντιπ οντουβά σο τθερένα ανάγκη. Φιρειπείν, σαρ μπορίνελα τι επηρεάνελ-τουμέν η ιστορία του Λωτ;

ΝΤΙΚΧΕΝ Ο ΒΙΝΤΕΟΣ ΜΑ ΜΑΝΓΚΕΝ Ι ΝΤΟΥΝΙΑΣ (1ΙΩ 2:15) ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλέ εδαφιόστε βασίντιβελα ανταγιά Πρωινή Λατρεία;

• Σαρ σικαβέλα η ιστορία του Λωτ καζόμ επικίνδυνος ισί τι μανγκάς ι ντουνιάς ή ο πράγματα σο ισί αντρέ κο ντουνιάς;​—Γε 13:12· 14:12· 19:3, 12, 13, 24-26

• Σαρ σικαβάσα ότι μανγκάσα ι Ιεχωβάς ντα όχι ι ντουνιάς ή ο πράγματα σο ισί αντρέ κο ντουνιάς;