Ατσσόν Σταθεροί Καζόμ Ερεσέλα ο Τέλος

ΣΟΣΚΕ ΙΣΙ ΣΗΜΑΝΤΙΚΟΣ: Ατζεχάνικ, κα αβέν-πες μπαρέ πράγματα σο κα κερέν-αμέν τι σικαβάς αμαρό θάρρος ντα αμαρί μπέσα κο Ιεχωβά πιο μπουτ από ποτές. Η μπαρί στεναχώρια κα αρχίνελ κάνα κα καταστραφίντιβεν ο ψεύτικες θρησκείες. (Ματ 24:​21· Απ 17:​16, 17) Οντουλέ δύσκολε ντιβεσέντε, μπορεί τι βακεράς ι τζενένγκε ότι κα κρίντιβεν κατά Ντεβέλ. (Απ 16:​21) Ο Γωγ του Μαγώγ κα τσσουβέλ-λεν αμέντζαρ. (Ιεζ 38:​10-12, 14-16) Οτθάρ ο Ιεχωβά, σο ισί ο πιο Ζουρανό, κα κερέλ ο “τζένγκι πι μπαρέ ντιβεσέσκο”. (Απ 16:​14, 16) Για τι μπαριαράς αμαρό θάρρος οντουλένγκε σο κα αβέν-πες ανγκλ’ αμέντε, πρέπει τι ατσσάς σταθεροί κάνα δοκιμάντιβελα αμαρί πίστη ακανά.

ΣΟ ΤΙ ΚΕΡΕΝ:

• Τι υποστηρίνεν μπίνταρανες ι Ιεχωβάσκε κανόνες σο τσσουβέλα-λεν για τι ατσσάς πάκι λέσκε γιακχίντε.​—Ησ 5:20

• Μα τι τσσιναβέν τι ντεν λατρεία ι Ιεχωβάς γιεκ τουμαρέ πφραλέντζαρ.​—Εβρ 10:​24, 25

• Τι ντεν αμέσως καν κο οδηγίες σο ντέλα ι Ιεχωβάσκι οργάνωση.​—Εβρ 13:17

• Τι ανέν τουμαρέ γκοντιάτε σαρ σωντάς ο Ιεχωβά πι λαός κο πουρανέ μπρεσά.​—2Πε 2:9

• Τι προσευχίντιβεν κο Ιεχωβά ντα τι ντεν τουμαρί μπέσα λέστε.​—Ψλ 112:7, 8

ΝΤΙΚΧΕΝ Ο ΒΙΝΤΕΟΣ ΠΡΑΓΜΑΤΑ ΣΟ ΚΑ ΑΒΕΝ-ΠΕΣ ΑΝΓΚΛ’ ΑΜΕΝΤΕ ΝΤΑ ΚΑ ΧΡΕΙΑΖΙΝΤΙΒΕΛ ΤΙ ΣΙΚΑΒΑΣ ΘΑΡΡΟΣ​—ΧΟΥΡΝΤΟ ΒΙΝΤΕΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ αβιλό δύσκολος μερικέ πφραλένγκε τι ντεν καν κάνα λένγκι κχανγκιρί αβιλί γιεκ γιαβερέ κχανγκιρίντζαρ;

• 

  Σαρ κα μπαριόλ αμαρό θάρρος άμα κα ντας καν;

• 

  Σόσκε κα χρειαζίντιβελ τι σικαβάς θάρρος κάνα κα αβέλ ο Αρμαγεδδώνας;

• 

  Καγιά ιστορία ι Γραφιάκι μπορίνελα τι κερέλ-αμέν τι πακιάς ατζέ πιο μπουτ ότι ο Ιεχωβά τθερέλα ι ζορ τι σώνελ-αμέν;​—2Χρ 20:​1-24