Μα Πφιραβέν Λάφια σο Νανέ Μπαγιά

Αντιβές, ο πράγματα σο αβένα-πες μπορίνενα τι λιντιόν αμπέρι μπουτ σουγκό εκατομμύρια τζενέντε αντράλ κατά εφημερίδες, κατά ράδιος, κατά τηλεόραση ντα κατά Ίντερνετ. Οντουλά σο πακιάνα κο “Ντεβέλ σο λέσταρ αβέλα η αλήθεια” να μανγκένα, ατζέ-ντα κατά λάθος, τι πφιραβέν λάφια σο νανέ μπαγιά. (Ψλ 31:5· Εξ 23:1) Ο λάφια σο νανέ μπαγιά ντα πφιρντιόνα μούι μόστε μπορίνενα τι κερέν μπαρό ζιάνι. Κάνα μανγκένα τι αγαβέν άμα εκ λάφι ισί μπαγιά, πουτσέν-τουμέν:

• “Ισί μπεσαλής ο τζενό σο βακερντάς ανταβά λάφι;” Μπέκιμ ο τζενό σο πουτρέλα εκ ιστορία να τζανέλα σαρέ οντουλά σο αβιλέ-πες. Κάνα εκ ιστορία πφιρντιόλα μούι μόστε, σίγουρα αλλάνελα, οτθάρ τι αρακχαβέν-τουμέν κάνα να τζανένα κάσταρ νικίστιλι. Αφού οντουλά σο τθερένα ευθύνες κι κχανγκιρί ισί τζενέ σο ντάσα μπέσα λένγκε λαφίντε, βον πρέπει τι προσοχίνεν ατζέ πιο μπουτ για μα τι πφιραβέν λάφια σο να τζανένα άμα ισί μπαγιά

• “Μήπως κα χαλαβέλ ι γιαβερέσκο ναβ;” Άμα εκ λάφι χαλαβέλα ο ναβ εκχέ τζενέσκο ή πιο μπουτ τζενένγκο, ισί πιο λατσσό μα τι πφιραβάς οντουβά λάφι.​—Παρ 18:8· Φλπ 4:8

• “Σίγουρα ισί μπαγιά ανταγιά ιστορία;” Τι τθερέν τουμαρί γκοντί κάνα ασουνένα ιστορίες σο κερένα-τουμέν τι σαστίνεν

ΝΤΙΚΧΕΝ Ο ΒΙΝΤΕΟΣ ΣΑΡ ΚΑ ΤΣΣΙΝΑΒΑΒ Ο ΚΟΥΤΣΟΜΠΟΛΙΟΣ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ βακερέλα ο εδάφιος Παροιμίες 12:​18, καζόμ μπαρό ζιάνι μπορίνενα τι κερέν ο λάφια;

• 

  Σαρ βοηθίνελα-αμέν ο εδάφιος Φιλιππησίους 2:4 τι αγαβάς μέχρι κάι πρέπει τι ερεσάς κάνα κεράσα λάφι ι γιαβερένγκε;

• 

  Σο ισί λατσσό τι κεράς κάνα ασουνάσα τζενέν τι πρασάν ή τι κερέν μπέτι λάφια ι γιαβερένγκε;

• 

  Πριν τι αρχίνας τι κεράς λάφι ι γιαβερένγκε, καλά ερωτήσεις πρέπει τι σκεφτίνας;