Μπορίνενα τι Ντεν Τουμαρέ Σαατίσταρ ντα Τουμαρέ Ζοριάταρ;

Σαρ βακερντάας ο Ησαΐας, αντιβές ντικχάσα καζόμ μπουτ μπαριόλα ι Ιεχωβάσκι οργάνωση κι πφουβ. (Ησ 54:2) Οντουλέσκε, χρειαζίντιβενα νεβέ Αίθουσες Βασιλείας, Αίθουσες Συνελεύσεων ντα Μπέθελ. Κάνα χτίντιβενα, ανταλά κτίρια χρειαζίντιβενα τι περιποιήντιβεν ντα καζόμ νακχένα ο μπρεσά μερικά χρειαζίντιβενα τι λατσσάρντιβεν. Καλά ευκαιρίες τθεράσα για τι ντας αμαρέ σαατίσταρ ντα αμαρέ ζοριάταρ κο Ιεχωβά;

• Μπορίνασα τι καθαρίνας αμαρί Αίθουσα Βασιλείας κάνα αβέλα η σειρά αμαρέ ομιλόσκι

• Μπορίνασα τι βακεράς ι πφραλένγκε τι σικλιαρέν-αμέν σαρ τι περιποιήνας αμαρί αίθουσα

• Μπορίνασα τι κεράς ι Αίτηση Εθελοντή για το Τοπικός Τμήμας Σχεδιασμού/Οικοδόμησης (DC-50) για τι βοηθίνας μπάζιμα κάνα χτίντιβελα ή περιποιήντιβελα εκ κτίριος πασέ αμαρέ κχερέστε

• Μπορίνασα τι κεράς ι Αίτηση για το Πρόγραμμας Εθελοντών (A-19) ντα τι μανγκάς τι βοηθίνας εκ εβδομάδα ή πιο μπουτ κο τομέας σο τθερέλα αμαρό γραφείος τμήματος​—είτε κο Μπέθελ είτε γιαβερέ τθανέντε σο τθερέλα αμαρί οργάνωση

ΝΤΙΚΧΕΝ Ο ΒΙΝΤΕΟΣ ΣΧΕΔΙΑ Ι ΝΕΒΕ ΚΤΙΡΙΟΝΓΚΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ χρησιμοποιήντιβενα πιο μπουτ ο βίντεα ακανά από ό,τι κο 2014;

• Για τι νικιόν ατζέ πιο μπουτ βίντεα, καγιά μπουτί πρέπει τι αβέλ-πες ντα κάνα μανγκάσα τι αρχίνελ ντα τι τελειώνελ;

• Σαρ μπορίνενα o πφραλά ντα ο πφενιά τι βοηθίνεν ανταλέ μπουτιάτε;

• Άμα τζουβντιάσα κο τομέας σο τθερέλα ο γραφείος τμήματος κο Ηνωμένες Πολιτείες ντα μανγκάσα τι βοηθίνας κο Ράμαπο, σόσκε πρέπει τι κεράς ι αίτηση (DC-50) ντα τι συνεργαζίντιβας με το Τοπικός Τμήμας Σχεδιασμού/Οικοδόμησης μπουτιέντε σο αβένα-πες πασέ αμαρέ κχερέστε;

• Σο σικαβέλα ότι ο Ιεχωβά ισί ανγκλάλ ανταλέ μπουτιάτε;

• Σαρ μπορίνασα τι βοηθίνας ατζέ-ντα άμα ναστί τσσουβάσα αμαρό βας ανταλέ μπουτιάτε;