Τι Σικαβέν Αγάπη Αντρέ κι Φαμιλί

Η αγάπη ισί σαρ κόλλα σο ατσσικιαρέλα ενωμέ ι φαμιλί. Άμα να σικαβένα αγάπη, ο τζενέ αντρέ κι φαμιλί να κα αβέν ενωμέ ντα να κα τθερέν λατσσί συνεργασία. Σαρ μπορίνελα ο ρομ, η ρομνί εμ ο νταντά ντα ο νταγιά τι σικαβέν αγάπη αντρέ κι φαμιλί;

Ο λατσσό ρομ αγαβέλα σο ανάγκες τθερέλα λέσκι ρομνί, σαρ σκεφτίνελα ντα σαρ νιωθίνελα. (Εφ 5:​28, 29) Ανέλα ο μαντρό ντα σικλιαρέλα πι φαμιλί ι Ντεβλέσκε. Για παράδειγμας, κερέλα ο πιο λατσσό για τι αβέλ-πες κάθε φαρ ι Φαμιλιάκι Λατρεία. (1Τι 5:8) Η λατσσί ρομνί ντέλα καν πι ρομές ντα σικαβέλα λέσκε «μπαρό σεβασμός». (Εφ 5:​22, 33· 1Πε 3:​1-6) Ο ντούι-ντα πρέπει τι μανγκέν τι συγχωρίνεν ο εκ ι γιαβερές αντράλ πουμαρέ γκίσταρ. (Εφ 4:​32) Ο λατσσέ νταντά ντα νταγιά πφαμπόνα πουμαρέ τσσαβένγκε ντα σικλιαρένα-λεν τι μανγκέν ι Ιεχωβάς. (Δευ 6:6, 7· Εφ 6:4) Καλά δυσκολίες νακχένα λένγκε τσσαβέ κο σχολείος; Σαρ νικαβένα-λεν πέρα κάνα πιένενα-λεν ο γιαβερά τερνέ; Κανά μανγκένα ο εκ ι γιαβερές μπουτ αντρέ κι φαμιλί, σαρέ κα νιωθίνεν σουκάρ ντα αρακχαντέ.

ΝΤΙΚΧΕΝ Ο ΒΙΝΤΕΟΣ ΤΙ ΣΙΚΑΒΕΝ ΑΝΤΡΕ ΤΟΥΜΑΡΕ ΦΑΜΙΛΙΑΤΕ ΑΓΑΠΗ ΣΟ ΝΑ ΧΑΣΑΡΝΤΙΒΕΛΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ σικαβέλα εκ λατσσό ρομ ότι πφαμπόλα πι ρομνιάκε;

• 

  Σαρ σικαβέλα εκ λατσσί ρομνί αντράλ πι γκίσταρ σεβασμός πι ρομέσκε;

• 

  Σο κερένα ο λατσσέ νταντά ντα νταγιά για τι ερεσέλ ο Λάφι ι Ντεβλέσκο λένγκε τσσαβένγκε γκίστε;