ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Τι Σικλιαρέν ι Τζενέν Αντράλ Κατά Βιβλίος Μπουτ Σουκάρ Ζωή για Πάντα!
Ισινάμ πφερντέ χαρά σο τθεράσα εκ νεβό βιβλιάριος ντα εκ νεβό βιβλίος για τι κεράς μελέτες κατά Αγία Γραφή! Προσευχίντιβασα τι ευλογίνελ ο Ιεχωβά αμαρέ προσπάθειες για τι κεράς ατζέ πιο μπουτ μαθητέν. (Ματ 28:18-20· 1Κο 3:6-9) Σαρ μπορίνασα τι χρησιμοποιήνας ανταλά νεβέ εργαλεία;
Ο βιβλίος Μπουτ Σουκάρ Ζωή για Πάντα!, σο τθερέλα μαθήματα κατά Αγία Γραφή, σικαβέλα εκ νεβό τρόπος για τι σικλιαράς. Κερέν σαρέ ο οδηγίες σο ισί πιο τελέ καζόμ προετοιμάντιβενα ντα κερένα μελέτες κατά Αγία Γραφή.a
Διαβάνεν ο μάθημας, ντα συζητίνεν ο ερωτήσεις ι τζενέσαρ σο κερένα-λες μελέτη
Διαβάνεν ο εδάφια σο βακερένα «διαβάνεν», ντα βοηθίνεν ι τζενές τι αγαβέλ σαρ μπορίνελα τι κερέλ-λεν πι ζωγιάτε
Τσσουβέν ο βίντεα ντα κερέν λάφι λένγκε αντράλ κατά ερωτήσεις, άμα υπαρχίντιβενα
Τι προσπαθίνεν τι μπιτισκιαρέν εκ μάθημας κάθε φαρ
Κο έργος, τι ντεν πρώτα ο βιβλιάριος για τι αγαβέν άμα μανγκέλα τι σικλιόλ πιο μπουτ ο τζενό. (Ντικχέν ο πλαίσιος «Σαρ τι Ντας ο Βιβλιάριος Μπουτ Σουκάρ Ζωή για Πάντα! κι Πρώτη Φαρ σο Τζάσα»). Άμα κα μπιτισκιαρέν τουμαρί μελέτη κατά βιβλιάριος ντα ο τζενό να μανγκέλα τι τσσιναβέλ, ντεν-λες ο βιβλίος ντα αρχίνεν κατά μάθημας 4. Άμα κερένα ακανά μελέτη εκχέ τζενές κατά βιβλίος Σικλιαρέλα-αμέν ή κατά βιβλίος Ατσσόν κι Ντεβλέσκι Αγάπη, συνεχίνεν ι βιβλιόσαρ Μπουτ Σουκάρ Ζωή για Πάντα! ντα τραμπίνεν καλέ μαθημάσαρ κα αρχίνεν.
ΝΤΙΚΧΕΝ Ο ΒΙΝΤΕΟΣ ΚΑΛΩΣΟΡΙΝΑΣΑ-ΤΟΥΜΕΝ ΚΟ ΜΑΘΗΜΑΤΑ ΚΙ ΓΡΑΦΙΑΚΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:
Σο κα σικλιόν ο τζενέ σο κερένα μελέτη κατά νεβό βιβλίος;
Σόσκε πρέπει τι σικαβέν ανταβά βίντεος κο τζενέ σο σικλιόνα ακανά ι Ντεβλέσκε;
Καζόμ κεράσα εκχέ τζενές μελέτη, σο πράγματα ισί λατσσό τι βακεράς λέσκε τι κερέλ;—Ντικχέν ο πίνακας «Σο κα Ντικχέν κο Κάθε Μέρος ντα σο Μπορίνελα τι Κερέλ ο Τζενό σο Σικλιόλα»
a ΣΗΜΕΙΩΣΗ: Παρόλο σο νανέ ανάγκη, καζόμ κερένα ι μελέτη, τι ντικχέν ο μέρος σο βακερέλα «Ρόντε», τι αρακχέν σαάτι για τι διαβάνεν ή τι ντικχέν οντουλά σο τθερέλα καζόμ προετοιμάντιβενα. Αντικάς κα τζανέν καβά πράγμας κα ερεσέλ κι τζενέσκο γκι ντα σο κα βοηθίνελ-λες. Ο βιβλίος κο Ίντερνετ ή κο JW Library® τθερέλα συνδέσμους ι βιντεόνγκε ντα γιαβερέ πραγματένγκε.
ΣΟ ΚΑ ΝΤΙΚΧΕΝ ΚΟ ΚΑΘΕ ΜΕΡΟΣ ΝΤΑ ΣΟ ΜΠΟΡΙΝΕΛΑ ΤΙ ΚΕΡΕΛ Ο ΤΖΕΝΟ ΣΟ ΣΙΚΛΙΟΛΑ |
|||
|---|---|---|---|
ΜΑΘΗΜΑΤΑ |
ΣΟ ΚΑ ΝΤΙΚΧΕΝ |
ΣΟ ΜΠΟΡΙΝΕΛΑ ΤΙ ΚΕΡΕΛ Ο ΤΖΕΝΟ ΣΟ ΣΙΚΛΙΟΛΑ |
|
1-12 |
Κα ντικχέν σαρ μπορίνελα τι βοηθίνελ-τουμέν η Αγία Γραφή ντα σαρ μπορίνενα τι σικλιόν Οντουλές σο γραφιντάς-λα |
Βακερέν ι τζενέσκε ότι ισί λατσσό τι διαβάνελ ι Γραφή, τι προετοιμάνελ-πες πι μελετιάκε ντα τι αρχίνελ τι ντικχέλ ο συναθροίσεις |
|
13-33 |
Κα ντικχέν σο κερντάς ο Ντεβέλ αμένγκε ντα σαρ μανγκέλα τι ντας-λες λατρεία |
Βακερέν ι τζενέσκε ότι ισί λατσσό τι κερέλ λάφι ι Ντεβλέσκε ντα τι αβέλ ευαγγελιζόμενος |
|
34-47 |
Κα ντικχέν σο μπεκλεντίνελα ο Ντεβέλ οντουλένταρ σο ντένα-λες λατρεία |
Βοηθίνεν ι τζενές τι αφιερώνελ πι ζωή κο Ιεχωβά ντα τι μπολντιόλ |
|
48-60 |
Κα σικλιόν σαρ τι ατσσόν κι Ντεβλέσκι Αγάπη |
Σικλιαρέν ι τζενές τι αγαβέλ καβά ισί ο σωστός ντα καβά ισί ο λάθος ντα τι κερέλ πι φιλία ι Ιεχωβάσαρ πιο ζουρανί |
|